Dentro das actividades programadas para o ano 2003, en colaboración coa Deputación Provincial de Lugo, en virtude do convenio de formación asinado entre a Consellería de Xustiza, Interior e Administración Local e a Deputación Provincial de Lugo, anúnciase a realización dun curso sobre dilixencias
á autoridade xudicial por alcoholemias, que deberá desenvolverse conforme as seguintes bases:
Obxectivos.
O curso ten por obxectivo xeral dota-los policías dos coñecementos normativos e operativos fundamentais para o trámite de todo tipo de dilixencias relacionadas co tráfico e a seguridade viaria. Así como coñece-la actualización recente sobre delictos que se van axuizar polo procedemento de urxencia e tódolos aspectos relacionados con estes.
Publicación.
Esta actividade formativa, e tamén todas aquelas que se desenvolvan en colaboración coa Deputación Provincial de Lugo, serán obxecto de publicación no Diario Oficial de Galicia e no BOP de Lugo.
Destinatarios.
O curso vai dirixido ós membros dos corpos de policía local da provincia de Lugo.
Inscrición.
A inscrición dos participantes será totalmente gratuíta.
Prazas.
30 prazas.
Solicitudes.
1. O persoal que desexe participar neste curso deberá presentar, cuberta a máquina ou con letra moi clara, a instancia que figura no anexo.
2. O prazo para a presentación de instancias rematará o día 8 de outubro de 2003, ás 14.00 horas.
3. As instancias deberán enviarse á Deputación Provincial de Lugo (Área de Formación (fax: 982 26 01 69)): rúa San Marcos, nº 8, 27001 Lugo; ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Datas.
O curso realizarase en datas do 13 ó 17 de outubro de 2003.
O horario será de 16.00 a 20.00 horas.
Contido.
O curso desenvolverase en sesións de tarde, de luns a venres, e nel trataranse os seguintes módulos:
I. Os accidentes e os delictos contra a seguridade do tráfico, desde o punto de vista xudicial. Tipos e clases. A adopción de medidas cautelares.
II. O atestado policial. Conceptos e dilixencias xerais do atestado.
III. O atestado por accidente de tráfico. Dilixencias e informes necesarios que deben completa-lo atestado. A investigación de accidentes de tráfico.
IV. A alcoholemia nos conductores. A intervención policial nestes casos. Dilixencias que deben desenvolver segundo as circunstancias.
V. Outros delictos contra a seguridade do tráfico. A importancia destes. A instrucción de atestados e as dilixencias que comprenden.
Relación de admitidos.
A relación de admitidos farase pública o día 10 de outubro a partir das 14.00 horas, tanto pola Deputación Provincial de Lugo como pola Academia Galega de Seguridade. Os interesados poden coñecer e confirma-la súa asistencia chamando ós teléfonos 986 59 00 21 (AGS) ou 982 26 00 64/982 26 00 65 (Área de Formación da Deputación Provincial de Lugo).
Lugar.
O curso desenvolverase no concello de Viveiro, quedando por concreta-lo seu lugar de realización, que se comunicará previamente xunto coa lista de admitidos.
Certificado de asistencia.
Ó remate do curso entregaráselle un certificado de asistencia a aquelas persoas que acrediten a súa participación continuada a este.
Modificacións.
Tanto pola Academia Galega de Seguridade como pola Deputación Provincial de Lugo, se é o caso, poderase modifica-lo desenvolvemento normal do curso para adaptalo ás necesidades da Administración e ás continxencias que poidan xurdir.
A Estrada, 12 de setembro de 2003.
Juan José Fariñas-Ferro Rodríguez
Director xeral da Academia Galega de Seguridade