A Fundación Marcelino Botín doa un acelerador lineal Meavatron Plus, con control dixital de radiocirurxía e radioterapia estereotáxica, en favor do Servicio Galego de Saúde con destino ó Complexo Hospitalario Universitario de Santiago de Compostela.

Conforme o artigo 17.1º da Lei 3/1985, do 12 de abril, do patrimonio da Comunidade Autónoma, requírese decreto do Consello da Xunta de Galicia para a adquisición de bens a título gratuíto.

En cumprimento do disposto na Lei 3/1985, do 12 de abril, do patrimonio da Comunidade Autónoma, de conformidade coa proposta do conselleiro de Sanidade e presidente do Servicio Galego de Saúde, e logo de deliberación do Consello da Xunta de Galicia na súa reunión do día once de setembro de dous mil tres,

DISPOÑO:

Artigo 1º

Acéptase a doazón dun acelerador lineal Meavatron Plus, con control dixital de radiocirurxía e radioterapia estereotáxica.

Artigo 2º

O devandito acelerador acéptase segundo o establecido na normativa en materia patrimonial da Comunidade Autónoma e destinarase ó Complexo Hospitalario Universitario de Santiago de Compostela.

Disposición derradeira

O Servicio Galego de Saúde, a través do seu órgano competente, levará a cabo os trámites necesarios para a efectividade de canto se dispón neste decreto.

Santiago de Compostela, once de setembro de dous mil tres.

Manuel Fraga Iribarne

Presidente

José María Hernández Cochón

Conselleiro de Sanidade

CONSELLERÍA DE FAMILIA, XUVENTUDE, DEPORTE E

VOLUNTARIADO