Visto o expediente para outorgamento de autorización administrativa e aprobación do proxecto de
execución da instalación eléctrica que a continuación se cita:
Solicitante: Montouto 2000, S.A.
Domicilio social: avda. Sáenz Díez, 43 ent., 32003 Ourense.
Denominación: L.M.T. de Parque Eólico Montouto á subestación O Castelo.
Situación: concello de Arbo.
Descricións técnicas: L.M.T., subterránea, a 20 kV, de 3.284 m de lonxitude, con conductor R.H.Z. 1,12/20 kV, desde o aeroxerador n.1 do Parque Eólico Montouto ata a subestación do Castelo, no concello de Arbo.
Cumpridos os trámites ordenados na Lei 54/1997, do 27 de novembro, e no Real decreto 1955/2000, e recibida notificación do solicitante con data 4-7-2003, na que se indica que chegou a un acordo con tódolos afectados e renuncia á súa solicitude de declaración de U.P., esta delegación provincial resolve:
Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
O prazo de posta en marcha da instalación, de acordo co artigo 132 do Real decreto 1955/2000, será de doce meses, a partir da recepción desta resolución. Para efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.
Contra esta resolución pódese interpor recurso de alzada ante o conselleiro de Innovación, Industria e Comercio no prazo dun mes, contado a partir do día seguinte ó da súa notificación. Tamén se pode interpor calquera outro recurso que se considere pertinente.
Pontevedra, 6 de agosto de 2003.
P.A. (Resolución do conselleiro 22-7-2002)
Mª del Carmen Girón Daviña
Secretaria provincial de Pontevedra