Por Resolución do 2 de xuño de 2003, da Dirección Xeral de Persoal, dictáronse normas para a adxudicación de destinos provisionais para o próximo curso académico 2003-2004, entre profesores de ensino secundario, profesores técnicos de formación profesional, profesores de escolas oficiais de idiomas e outros que non teñan destino definitivo na Comunidade Autónoma de Galicia.

Resoltas as reclamacións producidas á resolución provisional, esta dirección xeral

RESOLVE:

Primeiro.-Adxudicar destino provisional para o curso académico 2003-2004 ós profesores que figuran no anexo desta resolución, nos centros e especialidades que alí se especifican.

Segundo.-A toma de posesión dos destinos adxudicados será con efectividade do 17 de setembro, agás os profesores técnicos de formación profesional e escolas oficiais de idiomas, que será do 1 de outubro de 2003.

Terceiro.-Sen prexuízo do previsto no punto anterior, no caso dos profesores interinos que teñen nomeamento ata o 30 de setembro de 2003 a toma de posesión terá efectos económicos desde o 1 de outubro de 2003.

Cuarto.-Contra a presente resolución poderase interpoñer recurso de alzada ante o conselleiro de Educación e Ordenación Universitaria no prazo dun mes contado desde o día seguinte ó da súa publicación no Diario Oficial de Galicia.

Santiago de Compostela, 12 de setembro de 2003.

Severino Somoza Gómez

Director xeral de Persoal