1. Entidade adxudicadora.
a) Organismo: Consellería de Política Territorial, Obras Públicas e Vivenda.
b) Dependencia que tramita o expediente: Dirección Xeral de Transportes.
2. Obxecto do contrato.
a) Descrición do obxecto: execución da obra da estación de autobuses da Gudiña (Ourense).
b) Prazo de execución: véxase cadro de características.
c) Orzamento base de licitación.
Importe máximo retido: 251.566,86 euros.
d) Garantías.
Provisional: 5.031,34 euros.
Definitiva: 4% do importe de adxudicación.
e) Requisitos específicos do contratista.
Clasificación: grupo C; subgrupos 3 e 6; categoría d); grupo E, subgrupo 7, categoría b).
3. Tramitación, procedemento, e forma de adxudicación.
a) Tramitación: ordinaria.
b) Procedemento: aberto.
c) Forma: concurso.
4. Obtención de documentación e información.
O prego de cláusulas administrativas particulares, o cadro de características e demais documentación que rexe a contratación, poderase recoller en:
a) Entidade: nos servicios centrais da Dirección Xeral de Transportes e nas delegacións provinciais da CPTOPV; a indicada documentación así como o proxecto de execución da obra poderá ser consultada no seguinte enderezo: NINO, Centro de Impresión Digital. R/ Xeneral Pardiñas nº 2, Santiago de Compostela; CP: 15706. Teléfono: 981 58 89 38.
b) Enderezo: praza de Europa 5-A (2º andar).
c) Localidade e código postal: Santiago de Compostela, 15707.
d) Teléfono: 981 54 45 94.
e) Telefax: 981 54 43 51.
f) Tamén se poderá recolle-lo prego de cláusulas administrativas particulares e o cadro de características na páxina da Internet: www.xunta.es/contratación/resultado.asp?N=3086.
g) Data límite de obtención de documentos e información: ata o día de finalización do prazo de presentación de ofertas.
5. Presentación das ofertas ou das solicitudes de participación.
a) Prazo: o prazo de admisión das proposicións rematará ás catorce horas do vixésimo sexto día natural a partir do seguinte ó da publicación desta resolución no Diario Oficial de Galicia; se coincide nun día inhábil trasladarase ó seguinte día hábil.
b) Documentación que integrará as ofertas: véxase o prego de cláusulas administrativas particulares.
c) Lugar de presentación: rexistro xeral da Consellería de Política Territorial, Obras Públicas e Vivenda, ou enviarse polo correo dentro do prazo de admisión sinalado conforme co disposto no artigo 80 do Regulamento xeral da Lei de contratos das administracións públicas.
Enderezo: r/ San Caetano s/n.
Localidade e código postal: Santiago de Compostela, 15701.
6. Apertura das ofertas.
Realizarase nos locais da Dirección Xeral de Transportes. Enderezo: praza de Europa 5-A (2º andar). Localidade: Santiago de Compostela; ás 12.00 horas do décimo primeiro día hábil contado a partir do día seguinte á data límite de presentación de ofertas; se coincide en sábado ou festivo, trasladarase ó seguinte día hábil.
7. Gastos de anuncios.
Por conta do adxudicatario ata un importe máximo de 6.000 euros.
Santiago de Compostela, 10 de setembro de 2003.
P.D. (Orde 6-3-2003; DOG nº 50, do 12 de marzo)
José Antonio Fernández Vázquez
Secretario xeral da Consellería de Política
Territorial, Obras Públicas e Vivenda