Aprobado inicialmente pola Comisión de Goberno do 11 de agosto de 2003 o Plan parcial sector 2 Parque Empresarial de Vilamarín, presentado por Máximo Campos Salgado en representación de Roangest, S.L., e de conformidade o disposto no artigo 86.1º da Lei 9/2002, do 30 de decembro, de ordenación urbanística e protección do medio rural de Galicia, sométese a información pública polo prazo dun mes, mediante anuncio que se publicará no Diario Oficial de Galicia e nos xornais La Región e La Voz de Galicia, computándose o dito período desde o día seguinte ó da publicación deste anuncio no Diario Oficial de Galicia, co fin de que se poida examina-lo seu contido e presenta-las alegacións ou observacións que se estimen convenientes.
Asemade notificaráselles individualmente a tódolos propietarios dos terreos afectados.
Así mesmo, faise pública a suspensión do outorgamento de licencias de parcelación de terreos, edificación ou demolición, no ámbito territorial afectado polo plan parcial.
Esta suspensión terá unha duración máxima de dous anos e extinguirase coa aprobación definitiva do citado plan parcial.
Vilamarín, 20 de agosto de 2003.
María Sol Pérez Touriño
Alcaldesa en funcións