En cumprimento do disposto na normativa legal sobre rexistro e depósito de convenios colectivos de traballo, e de conformidade co disposto no artigo 2 e) do Real decreto 1040/1981, do 22 de maio, e para os efectos previstos nel, faise público que no correspondente servicio desta dirección xeral se presentou o 14 de xullo de 2003 certificación da secretaria da comisión paritaria do IV Convenio Colectivo Único para o persoal laboral da Xunta de Galicia, na que se fai consta-lo acordo acadado na xuntanza do 3 de xullo de 2003, sobre roupa de traballo e calzado profesional contido no anexo VI do convenio.

A Dirección Xeral de Relacións Laborais

ACORDA:

Primeiro.-Ordena-la inscrición do dito acordo no rexistro correspondente desta dirección xeral.

Segundo.-Dispoñe-la súa publicación no Diario Oficial de Galicia.

Santiago de Compostela, 17 de xullo de 2003.

Pilar Cancela Rodríguez

Directora xeral de Relacións Laborais

ANEXO I

A comisión paritaria do IV Convenio Colectivo Único para o persoal laboral da Xunta de Galicia na súa xuntanza do 3 de xullo de 2003 (acta 5/2003) adoptou o acordo:

Incluír no anexo I do acordo adoptado entre a Administración da Xunta de Galicia e o Comité Intercentros do Persoal Laboral sobre roupa de traballo e calzado profesional, contido no anexo VI do Convenio Colectivo Único para o persoal laboral da Xunta de Galicia, a seguinte categoría do grupo III: