Vista a Resolución do 2 de xullo de 2003 (DOG nº 131, do 8 de xullo), do tribunal designado para xulga-lo proceso selectivo para o ingreso no corpo facultativo superior da Xunta de Galicia (grupo A), escala de biólogos, pola que se publica a relación de aspirantes que superaron o citado proceso selectivo convocado por Orde do 20 de decembro de 2002 (DOG nº 250, do 27 de decembro) e, así mesmo, vista a Orde do 10 de xullo de 2003 (DOG nº 138, do 17 de xullo), pola que se eleva a definitiva a devandita proposta, verificada a concorrencia dos requisitos esixidos nas bases da convocatoria.

Esta consellería, de conformidade, co disposto na Lei 4/1988, do 26 de maio, da función pública de Galicia, no Decreto 95/1991, polo que se aproba o Regulamento de selección de persoal da Administración da Xunta de Galicia nas bases da convocatoria e demais normas concordantes,

DISPÓN:

Primeiro.-Nomear funcionarios/as do corpo facultativo superior da Xunta de Galicia (grupo A), escala

de biólogos, os aspirantes que superaron o proceso selectivo que se relaciona no anexo desta orde, destinándoos de conformidade co disposto na base IV.3 da orde de convocatoria, ós postos de traballo que, así mesmo, se especifican.

Segundo.-Para adquiri-la condición de funcionarios/as, as persoas ás que se refire o anexo desta orde, deberán cumpri-los requisitos esixidos no artigo 45 da Lei 4/1988, do 26 de maio, da función pública de Galicia, e tomar posesión do correspondente posto de traballo no prazo dun mes, a partir da data de publicación do seu nomeamento no Diario Oficial de Galicia.

Terceiro.-Contra esta orde, que pon fin á vía administrativa, poderase interpoñer, con carácter potestativo, recurso de reposición ante o conselleiro da Presidencia, Relacións Institucionais e Administración Pública, no prazo dun mes contado desde o día seguinte ó da publicación desta orde no Diario Oficial de Galicia, de conformidade co establecido na Lei 30/1992, do 26 de novembro, ou directamente recurso contencioso-administrativo no prazo de dous meses contados desde o día seguinte ó da súa publicación, ante a Sala do Contencioso-Administrativo do Tribunal Superior de Xustiza de Galicia, segundo os artigos 8.2º e 10.1º da Lei 29/1998, do 13 de xullo.

Santiago de Compostela, 25 de agosto de 2003.

Jaime Pita Varela

Conselleiro da Presidencia, Relacións

Institucionais e Administración Pública

ANEXO