De conformidade co previsto na base 3.5º do Acordo do 10 de xuño de 2003, polo que se convoca proceso selectivo para a cobertura por persoal laboral fixo de tres postos de traballo de control docente do cadro de persoal desta Fundación Pública Escola Galega de Administración Sanitaria (Fegas), encadrado no grupo 9 da clasificación de persoal recollida no artigo 31 do convenio colectivo para o persoal laboral do sector sanitario de Galicia xestionado por fundacións públicas sanitarias ou empresas públicas, publicado por Resolución do 6 de maio de 2002 (DOG nº 94, do 16 de maio), ó que se adheriu esta fundación segundo se acredita na Resolución do 7 de agosto de 2002 (DOG nº 188, do 30 de setembro), anúnciase que a primeira proba eliminatoria do dito proceso se celebrará o vindeiro día 12 de setembro de 2003 ás 17.00 horas no Palacio de Congresos e Exposicións de Galicia en San Lázaro, Santiago de Compostela.
Os aspirantes haberán de acudir provistos do documento nacional de identidade e de bolígrafo azul ou negro. O chamamento é único polo que quedarán excluídos do proceso os aspirantes que non comparezan. Non se permitirá a entrada con teléfonos móbiles.
Santiago de Compostela, 14 de agosto de 2003.
Javier Bouzada Romero
Presidente da comisión de selección