De conformidade coa proposta da comisión designada para xulga-lo concurso que convocou esta universidade por Resolución do 13 de novembro de 2001 (BOE do 27 de novembro), para a provisión da praza número 01/082 de catedrático de universidade da área de coñecemento de organización de empresas, do departamento de Análise Económica e Administración de Empresas desta universidade, a favor de Alejandro García del Valle, e unha vez que o interesado acreditase os requisitos ós que alude o número 2º do artigo 5 do Real decreto 1888/1984, do 26 de setembro,

Este rectorado, no uso das atribucións que lle confire o artigo 20 da Lei 6/2001, do 21 de decembro, de universidades, e demais disposicións que a desenvolven, resolveu nomear a Alejandro García del Valle catedrático de universidade da área de coñecemento de organización de empresas, do departamento de Análise Económica e Administración de Empresas desta universidade.

A Coruña, 23 de xullo de 2003.

José Luis Meilán Gil

Rector da Universidade da Coruña