En cumprimento do disposto no artigo 86 da Lei 9/2002, de ordenación urbanística e protección do medio rural de Galicia (DOG nº 252, do 31 de decembro do mesmo ano), sométese a información pública o proxecto de modificación do plan especial de ordenación do porto de Marín-Pontevedra (Pontevedra), aprobado inicialmente o 1 de agosto deste ano, polo prazo dun mes contado a partir da publicación deste anuncio no Diario Oficial de Galicia. Durante o dito prazo calquera persoa poderá examinalo, en horario de oficina, nas dependencias da Dirección Xeral de Urbanismo, sitas nos edificios administrativos da Xunta de Galicia en San Caetano, en Santiago de Compostela, e presentar ante esta consellería as alegacións que considere pertinentes.
Santiago de Compostela, 1 de agosto de 2003.
Martín Fernández Prado
Director xeral de Urbanismo