No Xulgado do Contencioso-Administrativo número dous da Coruña tramítase o recurso número 43/2003 (procedemento abreviado) interposto por Eva María Sánchez Mayo na súa condición de aspirante incluída na listaxe para vinculacións temporais da categoría de auxiliar de enfermería (área de Santiago de Compostela). A recorrente pretende que os servicios prestados como persoal laboral na Fundación Pública Hospital da Barbanza sexan valorados con 0,25 puntos por mes.

O que se notifica para xeral coñecemento de tódalas persoas interesadas no procedemento, que son emprazadas para que poidan comparecer no xulgado como demandados no prazo de nove días, de conformidade co previsto no artigo 49 da Lei 29/1998, do 13 de xullo, regulamentadora da xurisdicción contencioso-administrativa.

Santiago de Compostela, 14 de xullo de 2003.

José Ignacio Lema Piñeiro

Director xeral da División de Recursos Humanos