Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Electra de Cabalar, S.L.
Domicilio social: Lugar de Arnoso, 1, A Capela.
Denominación: C.T. de 160 kVA As Felgueiras.
Situación: A Capela.
Descricións técnicas: centro de seccionamento e transformación sito no lugar das Felgueiras, intercalado entre apoios 44 e 45 da L.M.T. O Barreiro-Goente, trafo de 160 kVA a 15/20±2,5-5%0,420. Concello da Capela.
Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VII, capítulo II, do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.
As instalacións executaranse nun prazo non superior a seis meses, contados a partir da data desta resolución.
Contra a presente resolución poderase interpoñer recurso de alzada ante o conselleiro de Innovación, Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.
A Coruña, 2 de xullo de 2003.
Jesús Espada Martínez
Delegado provincial da Coruña