Examinado o expediente presentado por María del Pilar López Cabanas, no que solicita autorización para a apertura e funcionamento do centro privado

Esega da Coruña, para impartir en quenda de mañá o ciclo formativo de grao medio de farmacia e os ciclos formativos de grao superior de desenvolvemento de aplicacións informáticas, animación sociocultural e o de integración social; e en quenda de serán os ciclos formativos de grao superior de administración de sistemas informáticos, educación infantil, información e comercialización turísticas e o de saúde ambiental.

Tendo en conta que o expediente foi tramitado pola Delegación Provincial da Consellería de Educación e Ordenación Universitaria da Coruña, quen o remite cos informes correspondentes.

Vistos a Lei 1/1990, do 3 de outubro (BOE do 4 de outubro), de ordenación xeral do sistema educativo; a Lei orgánica 10/2002, de 23 de decembro, de calidade da educación (BOE do 24 de decembro); o Real decreto 1004/1991, do 14 de xuño (BOE do 26 de xuño), polo que se establecen os requisitos mínimos dos centros que imparten ensinanzas de réxime xeral non universitarias; o Real decreto 777/1998 (BOE do 8 de maio) polo que se desenvolven determinados aspectos da ordenación da formación profesional no ámbito do sistema educativo; a Orde do 21 de decembro de 1999 (DOG do 31 de xaneiro de 2000) pola que se regulan determinados aspectos relativos á autorización de centros privados exclusivos de formación profesional específica na Comunidade Autónoma de Galicia; o Decreto 296/1999 (DOG do 18 de novembro) polo que se desenvolven determinados aspectos dos currículos dos ciclos formativos de formación profesional específica na Comunidade Autónoma de Galicia; o Decreto 133/1995, do 10 de maio

(DOG do 22 de maio), sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 (DOG do 15 de decembro) que desenvolve o antedito decreto.

Considerando que concorren no expediente os requisitos esixidos nas disposicións vixentes para poder acceder ó solicitado.

Esta consellería, por proposta da Dirección Xeral de Centros e Ordenación Educativa,

DISPÓN:

Primeiro.-Autoriza-la apertura e funcionamento do centro privado Esega da Coruña, para impartir en quenda de mañá o ciclo formativo de grao medio de farmacia e os ciclos formativos de grao superior de desenvolvemento de aplicacións informáticas, animación sociocultural e o de integración social; e en quenda de serán os ciclos formativos de grao superior de administración de sistemas informáticos, educación infantil, información e comercialización turísticas e o de saúde ambiental, segundo se especifica no anexo desta orde.

Segundo.-Para as ensinanzas que se autorizan, a Delegación Provincial da Consellería de Educación e Ordenación Universitaria, despois do informe da Inspección Educativa, aprobará expresamente a

relación de persoal que impartirá docencia no devandito centro, así como o equipamento adecuado.

Terceiro.-Queda o centro obrigado ó cumprimento da lexislación vixente e a solicita-la oportuna revisión cando teña que modificarse calquera dos datos que sinala esta orde.

Contra esta orde, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria, no prazo dun mes, a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, do réxime xurídico das administracións públicas e do procedemento administrativo común, ou ben directamente o recurso contencioso-administrativo no prazo de dous meses perante o Tribunal Superior de Xustiza de Galicia.

Santiago de Compostela, 29 de xullo de 2003.

Celso Currás Fernández

Conselleiro de Educación e Ordenación Universitaria

ANEXO

Provincia: A Coruña.

Concello: A Coruña.

Localidade: A Coruña.

Enderezo: r/ Calvo Sotelo, 31 baixo.

Código do centro: 15032352.

Denominación: centro privado Esega.

Titular: Esega, S.C.

Ensinanzas que se autorizan:-Quenda de mañá:

Familia profesional: informática.

1 ciclo formativo de grao superior de desenvolvemento de aplicacións informáticas (2 unidades, 30 alumnos/unidade).

Familia profesional: sanidade.

1 ciclo formativo de grao medio de farmacia (1 unidade para 20 alumnos).

Familia profesional: servicios socioculturais e á comunidade.

1 ciclo formativo de grao superior de animación sociocultural (1 unidade para 20 alumnos).

1 ciclo formativo de grao superior de integración social (1 unidade para 20 alumnos).-Quenda de serán:

Familia profesional: informática.

1 ciclo formativo de grao superior de administración de sistemas informáticos (2 unidades, 30 alumnos/unidade).

Familia profesional: hostalería e turismo.

1 ciclo formativo de grao superior de información e comercialización turísticas (1 unidade para 20 alumnos).

Familia profesional: sanidade.

1 ciclo formativo de grao superior de saúde ambiental (2 unidades, 20 alumnos/unidade).

Familia profesional: servicios socioculturais e á comunidade.

1 ciclo formativo de grao superior de educación infantil (2 unidades, 20 alumnos unidade).