Para os efectos previstos na Lei 54/1997, do 27 de novembro, e no capítulo VII do Real decreto 1955/2000, do 1 de decembro, sométese a información pública a petición de autorización da instalación eléctrica que se cita:
Solicitante: Unión Fenosa Distribución, S.A.
Domicilio social: avda. de Arteixo 171, A Coruña.
Denominación: modificado o proxecto L.M.T., C.T., R.B.T. Vilasante.
Situación: Cervantes.
Descricións técnicas:
1. Liña de baixa tensión aérea Vilasante, con orixe no centro de transformación existente de Pontorrón, cunha lonxitude de 1.860 m tipo de conductor R.Z. 3x95/54.6, R.Z. 0.6/1 kV 2x25 Al, R.Z. 0,6/1 kV 3x50/54.6 Al, tensións 960 V, 380 V e 220 V, nº de clientes 16 e zona B de aplicación.
2. Liña de baixa tensión aérea Vilar de Cucos, con orixe no centro de transformación existente de Pontorrón, cunha lonxitude de 1.080 m tipo de conductor R.Z. 0.6/1 kV, 2x25 Al, R.Z. 0.6/1 kV 3x50/54.6 Al, nº de clientes 6.
3. Autotransformador elevador de tensión 380/960 V e 50 kVA de potencia.
4. Transformación reductor 960/380-220 V e 50 kVA de potencia.
Todas aquelas persoas ou entidades que se consideren afectadas poderán presenta-las súas alegacións, nesta delegación provincial, no prazo de vinte días.
Lugo, 23 de xuño de 2003.
Jesús Bendaña Suárez
Delegado provincial de Lugo