Consonte a proposta formulada pola comisión constituída para xulga-lo concurso convocado por resolución desta universidade do 13 de decembro de 2001 (BOE do 21 de decembro) para a provisión dunha praza de profesor titular de universidade da área de coñecemento de enxeñería telemática, do departamento de Enxeñería Telemática, en prol de Luis Eulogio Anido Rifón con documento nacional de identidade número 33330151-T, e cumprindo o interesado os requisitos do punto 2º do artigo 5 do Real decreto 1888/1984, do 26 de setembro,

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Luis Eulogio Anido Rifón profesor titular de universidade da área de

coñecemento de enxeñería telemática, do departamento de Enxeñería Telemática.

Este nomeamento producirá plenos efectos a partir da correspondente toma de posesión polo interesado, que deberá efectuarse no prazo máximo dun mes, contado desde o día seguinte ó da publicación da presente resolución no Boletín Oficial del Estado.

Contra esta resolución que esgota a vía administrativa poderase interpoñer recurso ante a xurisdicción contencioso-administrativa, no prazo de dous meses contados a partir do día seguinte ó da súa publicación no Boletín Oficial del Estado, de conformidade co disposto na Lei 29/1998, do 13 de xullo, reguladora da xurisdicción contencioso-administrativa.

Non obstante, os interesados poderán optar por interpor contra esta resolución recurso de reposición, no prazo dun mes contado a partir do día seguinte ó da súa publicación no Boletín Oficial del Estado perante o mesmo órgano que a dictou. Neste caso non caberá interpo-lo recurso contencioso-administrativo antes citado namentres non recaia resolución expresa ou presunta do recurso de reposición, de acordo co disposto na Lei 4/1999, do 13 de xaneiro modificadora da Lei 30/1992, do 26 de novembro, de réxime xurídico das administracións públicas e do procedemento administrativo común.

Vigo, 9 de xullo de 2003.

P.D. (Resolución 24-6-2003)

Margarita Estévez Toranzo

Vicerrectora de Organización Académica

e Profesorado