Eu, Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos nº 722/2002, seguidos por instancia de Mutua Gallega Accidentes de Trabajo contra Larunplast, S.A. sobre outros extremos, nos que recaeu sentencia en data 13 de maio, que copiada nos particulares di así:
Que, estimando a demanda formulada por Mutua Gallega de Accidentes de Trabajo, declaro á empresa Larunplast, S.A. responsable directa e única do aboamento dos gastos derivados do accidente de traballo sufrido polo traballador Gorka Otaño Goñi, condenando a reintegrar á mutua actora a cantidade de 4.473 euros sen prexuízo da responsabilidade subsidiaria que, se é o caso, puidera recaer no INSS e na TGSS, como xestores do Fondo de Garantía de Accidentes de Traballo.
Notifíqueselle-la presente resolución ás partes facéndolles saber que contra ela cabe interpoñer recurso de suplicación perante o Tribunal Superior de Xusticia de Galicia, Sala do Social, debendo anuncialo previamente ante este xulgado do social,
no prazo de cinco días hábiles a partir do día seguinte ó da súa notificación.
Así por esta miña sentencia, da que se unirá certificación ós autos orixinais para a súa notificación e cumprimento, xulgando, pronúncioo, mándoo e asínoo.
E para que conste, para efectos da súa publicación no Diario Oficial de Galicia co fin de que sirva de notificación en forma á empresa Larunplast, S.A., expido e asino a presente cédula na Coruña, 19 de xuño de 2003.
O secretario xudicial
Rubricado