Examinado o expediente presentado polo centro privado de educación especial San Francisco de Vigo (Pontevedra), no que se solicita autorización para o cambio de domicilio por traslado de instalacións.
Tendo en conta que o expediente foi tramitado pola Delegación Provincial da Consellería de Educación e Ordenación Universitaria de Pontevedra, que o remite cos informes correspondentes.
Vistos o Real decreto 1004/1991, do 14 de xuño (BOE do 26), polo que se establecen os requisitos mínimos dos centros que imparten ensinanzas de réxime xeral non universitarias; o Decreto 133/1995, do 10 de maio (DOG do 22), sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 (DOG 15 de decembro) que desenvolve o devandito decreto.
Considerando que se cumpriron neste expediente os requisitos esixidos pola normativa vixente nesta materia.
Esta consellería, por proposta da Dirección Xeral de Centros e Ordenación Educativa,
DISPÓN:
Primeiro.-Autorizarlle ó centro privado de educación especial San Francisco de Vigo (Pontevedra), o cambio de domicilio por traslado de instalacións á avda. de Europa nº 94, Samil (Vigo).
Segundo.-Queda o centro obrigado ó cumprimento da lexislación vixente e a solicita-la oportuna revisión cando teña que modificarse calquera dos datos que sinala esta orde.
Contra esta orde, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria, no prazo dun mes, a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, do réxime xurídico das administracións públicas e do procedemento administrativo común, ou ben directamente o recurso contencioso-administrativo no prazo de dous meses perante o Tribunal Superior de Xustiza de Galicia.
Santiago de Compostela, 20 de xuño de 2003.
Celso Currás Fernández
Conselleiro de Educación e Ordenación
Universitaria
ANEXO
Datos do centro:
Provincia: Pontevedra.
Concello: Vigo.
Localidade: Vigo.
Enderezo: avda. de Europa nº 94, Samil.
Código do centro: 36015275.
Denominación: centro privado de educación especial San Francisco.
Titular: Asociación Provincial de Educación y Trabajo Especial San Francisco.
Ensinanzas autorizadas: 3 unidades de educación especial (Psíquicos).