Visto o expediente para outorgamento de autorización administrativa e aprobación do proxecto de
execución da instalación eléctrica que a continuación se cita.
Solicitante: Unión Fenosa Distribución, S.A.
Domicilio social: avda de Arteixo, 171, 15007 A Coruña.
Denominación: L.M.T. Casalnovo-Vilar.
Situación: Ribeira.
Descricións técnicas: L.M.T. a 20 kV, en apoios de formigón e metálicos, conductor LA-110, de 1.984 m de lonxituce, coa orixe na liña de media tensión ó centro de transformación Casalnovo (expediente 6042) e final no centro de transformación de Vilar-Ribeira. Concello de Ribeira.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Innovación, Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que estime pertinente o seu dereito.
A Coruña, 9 de xuño de 2003.
Jesús Espada Martínez
Delegado provincial da Coruña