De conformidade co disposto no artigo 27.2º da Lei 4/1988, do 26 de maio, da función pública de Galicia, na súa nova redacción dada pola Lei 3/1995, do 10 de abril, artigo 16 do Decreto 93/1991, do 20 de marzo, polo que se aproba o Regulamento de provisión de postos de traballo, promoción profesional e promoción interna, e no uso das atribucións conferidas polo artigo 15.4º da referida lei, esta consellería
DISPÓN:
Primeiro.-Anuncia-la convocatoria para cubrir, polo sistema de libre designación, os postos de traballo que se indican no anexo I desta orde.
Segundo.-Poderán concorrer a eles os funcionarios que reúnan as condicións que para o posto de traballo se sinala no anexo I.
Terceiro.-As solicitudes para participar nesta convocatoria presentaranse no rexistro xeral da Consellería de Medio Ambiente (rúa San Lázaro s/n, Santiago de Compostela), nas súas delegacións provinciais ou nas oficinas previstas no artigo 38 da
Lei 30/1992, do 26 de novembro, de réxime xurídico das administracións públicas e do procedemento administrativo común, no prazo de quince días hábiles contados a partir do seguinte ó da publicación desta orde no Diario oficial de Galicia, segundo o modelo que se inclúe no anexo II.
Cuarto.-Os aspirantes deberán xuntarlle á súa petición un curriculun vitae e xustificar, mediante certificación ou copia compulsada, os méritos que aleguen.
Os méritos alegados e non probados da maneira que se sinala no punto anterior non serán tidos en conta.
Quinto.-No caso de que resulte seleccionado/a para ocupa-los postos de traballo que se relacionan no anexo I desta orde un funcionario/a con destino noutra Administración, requirirase o informe favorable do departamento onde preste servicio, considerándose favorable de non emitirse no prazo de quince días segundo o disposto no artigo 67 do Real decreto 364/1995, do 10 de marzo.
Sexto.-A resolución desta convocatoria farase pública no Diario oficial de Galicia e poderá, de considerarse oportuno, declararse deserta.
Sétimo.-O prazo de toma de posesión será de tres días hábiles se o destino anterior radica na mesma localidade do novo, ou dun mes se radica en localidade distinta ou comporta o reingreso ó servicio activo.
O prazo de toma de posesión empezará a contarse a partir do día seguinte ó do cesamento, que deberá efectuarse dentro dos tres días hábiles seguintes ó da publicación da resolución no Diario Oficial de Galicia.
Se a resolución comporta o reingreso ó servicio activo, o prazo de toma de posesión deberá computarse desde o día seguinte ó da publicación da resolución.
Oitavo.-Contra esta orde, que pon fin á vía administrativa, os interesados poderán interpoñer recurso potestativo de reposición perante o conselleiro de Medio Ambiente, no prazo dun mes contado desde o día seguinte ó da súa publicación no Diario Oficial de Galicia, de conformidade co establecido na Lei 30/1992, do 26 de novembro, na súa nova redacción dada pola Lei 4/1999, do 13 de xaneiro, ou poderán impugnala directamente perante o xulgado do contencioso-administrativo competente no prazo de dous meses, contados a partir da mesma data, segundo o establecido na Lei 29/1998, do 13 de xullo, reguladora da xurisdicción contencioso-administrativa.
Santiago de Compostela, 1 de xullo de 2003.
José Manuel Barreiro Fernández
Conselleiro de Medio Ambiente
ANEXO I
Código: MA.C03.00.001.15770.007.
Denominación do posto de traballo: xefe/a Servicio Xestión de Montes.
Centro directivo: Dirección Xeral de Montes e Industrias Forestais.
Localidade: Santiago de Compostela.
Corpo ou escala: especial.
Grupo: A/B.
Nivel: 28.
Formación específica: 640 (para persoal doutra Administración, curso de perfeccionamento de galego R.I.).
Tipo de adscrición: A11(adscrición indistinta a funcionarios da Administración da Xunta de Galicia, Administración do Estado, Administración de comunidades autónomas).
Específico: 11.082,96 A.
Código: MA.C04.00.000.15770.003.
Denominación do posto de traballo: secretario/a director xeral.
Centro directivo: Dirección Xeral de Conservación da Natureza.
Localidade: Santiago de Compostela.
Corpo ou escala: xeral.
Grupo: C/D.
Nivel: 18.
Formación específica: 001(coñecemento mecanografía) 641 (para persoal doutra Administración, curso de iniciación de galego R.I.).
Tipo de adscrición: A11(adscrición indistinta a funcionarios da Administración da Xunta de Galicia,
Administración do Estado, Administración de comunidades autónomas).
Específico: 3.546,48 A.
Código: MA.C05.00.001.15770.006.
Denominación do posto de traballo: xefe/a Servicio de Protección Ambiental.
Centro directivo: Dirección Xeral de Calidade e Avaliación Ambiental.
Localidade: Santiago de Compostela.
Corpo ou escala: xeral/ especial.
Grupo: A/B.
Nivel: 28.
Formación específica: 640 (para persoal doutra Administración, curso de perfeccionamento de galego R.I.).
Tipo de adscrición: A11(adscrición indistinta a funcionarios da Administración da Xunta de Galicia, Administración do Estado, Administración de comunidades autónomas).
Específico: 11.082,96 A.
Código: MA.C06.00.001.15770.001.
Denominación do posto de traballo: subdirector/a xeral de Planificación e Promoción do Desenvolvemento.
Centro directivo: Dirección Xeral do Centro de Desenvolvemento Sostible.
Localidade: Santiago de Compostela.
Corpo ou escala: xeral/ especial/ docente.
Grupo: A.
Nivel: 30.
Formación específica: 523 (diploma de directivo), 640 (para persoal doutra Administración, curso de perfeccionamento de galego R.I.).
Tipo de adscrición: A17 (adscrición indistinta a funcionarios da Administración da Xunta de Galicia, Administración do Estado, Administración de comunidades autónomas e persoal docente con destino na Comunidade Autónoma de Galicia).
Específico: 15.073,08 A.
Código: MA.C06.00.001.15770.004.
Denominación do posto de traballo: xefe/a Servicio Integración Ambiental.
Centro directivo: Dirección Xeral do Centro de Desenvolvemento Sostible.
Localidade: Santiago de Compostela.
Corpo ou escala: xeral/ especial.
Grupo: A/B.
Nivel: 28.
Formación específica: 640 (para persoal doutra Administración, curso de perfeccionamento de galego R.I.).
Tipo de adscrición: A11(adscrición indistinta a funcionarios da Administración da Xunta de Galicia, Administración do Estado, Administración de comunidades autónomas).
Específico: 11.082,96 A.
ANEXO II
NOTA: úsese o publicado nas páxinas 9.221 e 9.222.
