Con data do 26 de maio o Tribunal Superior de Xustiza de Galicia solicita a remisión do expediente administrativo correspondente ó recurso contencioso-administrativo número 4274/2003 (procedemento ordinario) interposto pola Comunidade de Montes Veciñais de Cacharrequille contra o silencio administrativo da Dirección Xeral de Comunicación e Audiovisual polo que se omite a obriga de contestar ó dereito de petición exercitado con base na Lei orgánica 4/2001, do 12 de novembro.

En consecuencia, esta secretaría xeral acordou a remisión do citado expediente e empraza a tódalas persoas interesadas no procedemento para que poidan comparecer nos autos ante a sección segunda da Sala do Contencioso-Administrativo do devandito tribunal no prazo dos nove días seguintes á publicación da presente resolución.

Santiago de Compostela, 11 de xuño de 2003.

Andrés González Murga

Secretario xeral da Consellería de Cultura,

Comunicación Social e Turismo