Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: travesía de Vigo, 204, 36207 Vigo.

Denominación: L.M.T., C.T. e R.B.T. Nandín.

Situación: Concello de Nigrán.

Descricións técnicas: L.M.T.A. a 20 kV con conductor tipo LA-56 de 54 m de lonxitude desde un apoio da liña o C.T. a Areíña ata o apoio proxectado HV-1.000/13 onde continúa a L.M.T. proxectada, ata o C.T. existente na Areiña; L.M.T.S. desde o apoio proxectado HV-1.000/13 da L.M.T.A. o C.T. Nandín ata o C.T. proxectado; dúas R.B.T., unha aérea e outra subterránea con orixe no C.T. proxectado; C.T. de 160 kVA, R.T. 20 kV-380/220 V en Nandín. Concello de Nigrán.

Cumpridos os trámites ordenados na Lei 54/1997, do 27 de novembro, e no capítulo II do Real decreto 1955/2000, do 1 de decembro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

O prazo de posta en marcha da instalación, de acordo co artigo 132 do Real decreto 1955/2000, será de doce meses, a partir da recepción desta resolución. Para efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.

Contra esta resolución pódese interpor recurso de alzada ante o conselleiro de Innovación, Industria e Comercio no prazo dun mes, contado a partir do día seguinte ó da súa notificación. Tamén se pode interpor calquera outro recurso que se considere pertinente.

Pontevedra, 19 de maio de 2003.

Carmen Bianchi Valcarce

Delegada provincial de Pontevedra