Autorizado por acordo desta dirección xeral, do 19 de marzo de 2003, o alleamento en poxa pública dos bens embargados no procedemento de constrinximento pola Zona de Recadación de Lugo como da propiedade do debedor José Antonio López García con NIF 34254430-R que a continuación se describe:

Lote 1:

Rústica Cortiña da Vica sita no lugar de Pacios, municipio do Incio, destinada a labradío e a prado cunha superficie de 37 áreas e 68 centiáreas. Lindeiros: norte, Camilo Chousa, Gumersindo Sánchez e Manuel González; sur herdeiros de José López

Valladares e Daniel Toirán e José Antonio López López, leste, Antonio López Alvaredo e oeste, camiño de servidume. Predio 5.179, tomo 308, libro 54, folio 223, ref. catastral 27024A064000570000DP.

Valor: 11.304,00 A.

Cargas: 10.000 A.

Tipo: 1.304,00 A.

Lote 2:

Rústica Rodexandre, prado de 65 áreas de superficie e sito no municipio de Sarria. Parcela 1.138 do polígono 50. Titularidade: José Antonio López García por adxudicación en partición por herdanza. Predio 20.337, tomo 425, libro 182, folio 13, ref. catastral 27057A050011380000JD.

Valor: 5.200 A.

Cargas: 11.000 A.

Tipo: 3.222,12 A.

Lote 3:

Rústica Barbadelo, mato e prado de 1 hectárea, 53 áreas e 15 centiáreas de superficie e sita no municipio de Sarria. Parcela 11 do polígono 51. Titularidade: José Antonio López García por adxudicación en partición por herdanza. Predio 20.338, tomo 425, libro 182, folio 13, ref. catastral 27057A051000110000JF.

Valor: 13.783,5 A.

Cargas: 27.657,00 A.

Tipo: 3.222,12 A.

De conformidade coa competencia atribuída polo artigo 7.1º f) do Decreto 51/2000, do 25 de febreiro, polo que se establece a organización recadatoria da Xunta de Galicia e o Estatuto dos recadadores de zona

DISPOÑO:

Que o día 31 de xullo de 2003 ás 12 horas, na sala de xuntas da Delegación Territorial da Consellería de Economía e Facenda en Lugo, r/ Ronda da Muralla nº 70, baixo a presidencia do delegado territorial da Consellería de Economía e Facenda de Lugo, se celebre a dita poxa.

Así mesmo, e en cumprimento do disposto no artigo 146 do Regulamento xeral de recadación, faise consta-lo seguinte:

1º Que consta en poder da Zona de Recadación de Lugo o expediente de constrinximento no que consta a titularidade dos bens poxados e o estado das súas cargas e gravames, onde poden ser examinados, debendo conformarse con eles, sen ter dereito a esixir outros, e que as cargas e gravames subsistentes, se os houbese, ó crédito dos executantes, continuarán subsistindo, entendéndose que o rematante os acepta e queda subrogado nas súas responsabilidades, sen destinarse á súa extinción o prezo do remate.

2º Que a poxa se suspenderá en calquera momento anterior á adxudicación de bens, se se fai o pagamento da débeda, xuros e custas do procedemento.

3º Os licitadores poderán enviar ou presenta-las súas ofertas en sobre pechado desde o anuncio de poxa ata unha hora antes do comezo desta, sen prexuízo de que poidan participar persoalmente na licitación con propostas superiores á do sobre. As ditas ofertas, que terán o carácter de máximas, serán rexistradas no rexistro da Delegación Territorial da Consellería de Economía e Facenda de Lugo, e deberán ir acompañadas de cheque conformado, expedido a favor do Tesouro da Facenda Pública de Galicia polo importe do depósito.

4º Que todo licitador deberá constituír ante a mesa de poxa o preceptivo depósito de garantía, que será polo menos do 20 por 100 do tipo daquela, coa advertencia de que o dito depósito se ingresará en firme no Tesouro se os adxudicatarios non satisfán o prezo do remate, sen prexuízo das responsabilidades en que incorrerán polos maiores prexuízos que sobre o importe orixine a inefectividade da adxudicación.

5º No caso de que non resulten adxudicados os bens nunha primeira licitación, a mesa de poxa poderá realizar unha segunda licitación, se o xulga procedente, fixando o novo tipo de poxa no 75% do importe da primeira licitación, ou ben anunciará a iniciación do trámite de adxudicación directa que se levará a cabo de acordo co artigo 150 do Regulamento xeral de recadación.

6º Que o rematante ten a obriga de entregar no acto da adxudicación ou dentro dos cinco días seguintes, a diferencia entre o depósito constituído e o prezo de adxudicación.

7º Se quedasen bens sen adxudicar, iniciarase o trámite de adxudicación directa, por un prazo máximo de seis meses, podéndose presentar ofertas en sobre pechado, a partir dese momento, á mesa de poxa.

A mesa de poxa abrirá as ofertas presentadas ó remate do prazo do mes desde o seu inicio, podendo proceder á adxudicación dos bens se algunha delas se considera suficiente nese momento. En caso contrario, anunciarase a extensión dun mes máis para a presentación de novas ofertas, ou mellora das xa existentes, sen prexuízo da validez das ofertas presentadas ata ese momento, e así sucesivamente co límite total de seis meses.

O prezo mínimo de adxudicación directa será o tipo de poxa en primeira licitación cando non se considerase procedente celebrar unha segunda licitación; se existise segunda licitación non haberá prezo mínimo.

8º A Consellería de Economía e Facenda reserva para si o dereito de pedi-la adxudicación para a Comunidade Autónoma de Galicia, do ben que non fora obxecto de venda, conforme o establecido no artigo 158 do Regulamento xeral de recadación.

9º O procedemento de constrinximento soamente se suspenderá nos termos e condicións sinalados nos artigos 135 e 136 da Lei xeral tributaria e 101 do Regulamento xeral de recadación.

En todo o non previsto neste anuncio haberá de aterse ó preceptuado nas disposicións legais que regulen o acto.

Santiago de Compostela, 3 de xuño de 2003.

Joaquín Caballero Miranda

Director xeral de Tributos