O Pleno do Concello de Vigo, en sesión do 28 de abril de 2003, adoptou, entre outros, o seguinte acordo:
«Primeiro.-Aprobar definitivamente o expediente de modificación puntual do Plan especial e catálogo complementario de edificios, conxuntos e elementos que hai que conservar de Vigo, no cuarteirón 45, polo que se alteran as características do paso ó aproveitamento público interior e se establecen novas aliñacións, conforme a memoria e documentación elaborada polo arquitecto José Antonio Comesaña García e visado polo colexio profesional o 5 de xaneiro de 2001 e 22 de xuño de 2001.
Segundo.-Proceder á publicación da modificación puntual aprobada no DOG e BOP nos termos do artigo 48.2º da Lei do solo de Galicia e á remisión dunha copia auténtica do expediente administrativo completo e de dous exemplares do instrumento aprobado á Consellería de Política Territorial, Obras Públicas e Vivenda da Xunta de Galicia conforme o disposto no punto 3 do citado artigo.
Contra o devandito acordo, que pon fin á vía administrativa, poderá interpoñerse recurso contencioso-administrativo no prazo de dous meses contados desde o día seguinte ó da publicación deste anuncio».
Así mesmo, o presente anuncio servirá de notificación nos termos previstos no artigo 59 da Lei de réxime xurídico das administracións públicas e do procedemento administrativo común para todos aqueles propietarios que sexan descoñecidos, se
ignore o lugar de notificación ou, intentada esta, non se puidese practicar.
Vigo, 12 de maio de 2003.
Lois Pérez Castrillo
Alcalde-presidente da Xerencia Municipal
de Urbanismo