En sesión que tivo lugar o día 25 de xuño de 2003, o tribunal designado pola Orde do 17 de marzo de 2003 (DOG nº 57, do 21 de marzo) para cualifica-lo proceso selectivo para o ingreso no corpo de auxiliares técnicos da Xunta de Galicia (grupo D), escala básica de vixilancia pesqueira, convocado pola Orde do 29 de novembro de 2001 (DOG nº 239, do 12 de decembro), modificado pola Orde do 16 de abril de 2002 (DOG nº 80, do 25 de abril), acordou, de conformidade coa base II.3 da convocatoria, realiza-lo segundo exercicio da fase de oposición o día 9 de xullo de 2003, na aula número 5 da Escola Galega de Administración Pública, rúa Madrid, 2-4, en Santiago de Compostela, en chamamento único.
A realización do exercicio comezará ás 17.30 horas, e os opositores deberán estar presentes no citado lugar ás 17.15 horas.
Os aspirantes deberán ir provistos de DNI ou documento fidedigno acreditativo da súa identidade, a xuízo do tribunal.
Santiago de Compostela, 26 de xuño de 2003.
Juan Manuel Rodríguez Rodríguez
Presidente do tribunal