A Deputación Provincial de Lugo, en sesión celebrada o día vintetrés de agosto de dous mil dous, aprobou o proxecto nº 241, Plan Operativo Local 2002 Abadín-estrada provincial Moncelos-Carrizal, alargamento e mellora do punto quilométrico 0,40 ó 2,90 e, na sesión do trinta de setembro de dous mil dous, acordou solicitar da Xunta de Galicia a declaración de urxente ocupación dos bens e dereitos afectados pola expropiación forzosa ó abeiro do disposto no artigo 52 da Lei de expropiación forzosa.
Por parte da Deputación Provincial de Lugo foi remitida a documentación complementaria para a correcta tramitación do expediente con data de entrada no rexistro xeral da Consellería de Xustiza, Interior e Administración Local o día trinta de decembro de dous mil dous.
Os bens nos que se concreta a declaración de urxente ocupación están determinados no expediente que se someteu a información pública.
A Dirección Xeral de Urbanismo da Consellería de Política Territorial, Obras Públicas e Vivenda emitiu informe favorable. O dito informe tivo entrada no rexistro xeral da Consellería de Xustiza, Interior e Administración Local o día nove de decembro de dous mil dous.
Considérase necesaria a declaración de urxente ocupación dos bens e dereitos precisos para a realización das obras do proxecto técnico sinalado, xa que segundo sinala a deputación, como consecuencia da mellora estructural das vías autonómicas, prodúcese un incremento significativo do tráfico nesta vía provincial, que non está adaptada a esta nova circunstancia, polo que é necesario dar resposta ampliando a sección transversal e rectificando o trazado en planta e alzado, formulando deste xeito unha vía máis segura, en consonancia coas circunstancias actuais, evitando así que se orixinen accidentes.
A competencia para a declaración da urxente ocupación correspóndelle ó Consello da Xunta de Galicia segundo o disposto nos artigos 27.2º e 28.2º do Estatuto de autonomía de Galicia.
Na súa virtude, por proposta do conselleiro de Xustiza, Interior e Administración Local e logo de deliberación do Consello da Xunta de Galicia na súa reunión do día dezanove de xuño de dous mil tres,
DISPOÑO:
Artigo único.-De conformidade co disposto no artigo 52 da Lei de expropiación forzosa, declárase a urxente ocupación, pola Deputación Provincial de Lugo para efectos de expropiación forzosa, dos bens e dereitos concretados no expediente administrativo instruído para o efecto e necesarios para a execución das obras do proxecto nº 241, Plan Operativo Local 2002 Abadín-estrada provincial Moncelos-Carrizal, alargamento e mellora punto quilométrico 0,40 ó 2,90.
Santiago de Compostela, dezanove de xuño de dous mil tres.
Manuel Fraga Iribarne
Presidente
Antonio Pillado Montero
Conselleiro de Xustiza, Interior e Administración
Local
CONSELLERÍA DE FAMILIA, XUVENTUDE, DEPORTE E
VOLUNTARIADO