O punto 34 da Orde do 6 de marzo de 2003 (DOG do 14 de marzo), pola que se convoca procedemento selectivo para ingreso no corpo de mestres, establece que a valoración dos méritos presentados polos aspirantes será efectuada, en nome dos tribunais por unha comisión integrada por funcionarios da Consellería de Educación e Ordenación Universitaria. Realizada esta baremación e de acordo co establecido no punto 46 da citada orde, procede a súa publicación.

En consecuencia, esta dirección xeral

DISPÓN:

Primeiro.-Facer pública na Consellería de Educación e Ordenación Universitaria e nas delegacións provinciais, a partir do día 2 de xullo de 2003, as puntuacións provisionais do baremo establecido na Orde do 6 de marzo de 2003.

Segundo.-Contra estas puntuacións poderá presentarse reclamación diante das respectivas delegacións da Consellería de Educación e Ordenación Universitaria ou da Dirección Xeral de Persoal, no prazo de dez días naturais contados desde o día seguinte ó da súa publicación.

Santiago de Compostela, 24 de xuño de 2003.

Severino Somoza Gómez

Director xeral de Persoal

CONSELLERÍA DE FAMILIA,

XUVENTUDE, DEPORTE

E VOLUNTARIADO