Aprobado inicialmente por Decreto da Alcaldía, de data 14 de maio de 2003, o Plan Parcial do Solo Urbanizable número 1 de solo residencial do Caseiro en desenvolvemento do Plan xeral de ordenación municipal, sométese este a información pública polo prazo dun mes, contado a partir da última publicación deste anuncio que se inserirá no Diario Oficial de Galicia e en dous xornais de maior circulación na provincia, debendo publicarse o anuncio, neste último caso, en dous días consecutivos; todo iso de conformidade co disposto no artigo 86.1º da Lei 9/2002, do 30 de decembro, de ordenación urbanística e protección do medio rural de Galicia.

Simultaneamente notifícaselles individualmente esta resolución a tódolos propietarios dos terreos afectados.

O expediente poderá ser examinado na secretaría deste concello, para formula-las alegacións que se consideren pertinentes.

Covelo, 14 de maio de 2003.

José Costa Díaz

Alcalde