O Consello da Xerencia Municipal de Urbanismo, en sesión do 8 de maio de 2003, adoptou, entre outros, o seguinte acordo:
Primeiro.-Estimar, estimar parcialmente e desestima-las alegacións interpostas durante o trámite de información pública no procedemento de referencia, no sentido e polos motivos que se sinalan na parte expositiva deste acordo.
Segundo.-Aprobar definitivamente o proxecto de urbanización da rúa Gandarón (Lavadores), de iniciativa municipal, asinado polo enxeñeiro Alberto Moreno García, na súa última versión (expte. 4415/401).
Terceiro.-Notifíquese o contido íntegro deste acordo ós interesados e alegantes, coa indicación de que contra el cabe interpor, alternativamente, recurso de reposición ante esta Administración municipal no prazo dun mes, ou recurso contencioso-administrativo perante o Tribunal Superior de Xustiza de Galicia no prazo de dous meses. Notifíquese tamén á Consellería de Política Territorial, Obras Públicas e Vivenda da Xunta de Galicia, xunto cunha copia do proxecto de urbanización, ás entidades Estudio A. Moreno, S.L., Augas de Galicia, Gas Galicia, Fenosa e Seragua, ó departamento municipal de Vías e Obras e á oficina de Actuacións Viarias. Publíquese na forma legalmente establecida.
Contra o devandito acordo que pon fin á vía administrativa poderán interpoñerse os seguintes recursos:
a) Potestativo de reposición ante o Consello da Xerencia Municipal de Urbanismo de Vigo no prazo dun mes a partir do día seguinte da publicación do presente anuncio.
b) Contencioso-administrativo ante o Tribunal Superior de Xustiza de Galicia no prazo de dous meses contados desde o día seguinte o da publicación deste anuncio.
De conformidade co artigo 59 da Lei 30/1992, do 26 de novembro, LRXAP-PAC, por medio do presente anuncio, notifícase o acordo que nel se contén a tódolos propietarios afectados descoñecidos, de ignorado enderezo, respecto dos cales non se puido practica-la notificación intentada.
Vigo, 16 de maio de 2003.
Lois Pérez Castrillo
Alcalde-presidente da Xerencia Municipal
de Urbanismo