Aprobados pola Comisión de Goberno deste concello os pregos de cláusulas administrativas particulares que han de rexer na contratación polo procedemento aberto e sistema de concurso da obra de acondicionamento e mellora do acceso da estrada Pastoriza-Cruz da Cancela ó barrio de Lamas-Vilaseca, expóñense ó público polo prazo de oito días hábiles contados desde a inserción deste anuncio no BOP e para os efectos previstos no artigo 122.1º do Real decreto lexislativo 781/1986, do 18 de abril.

Declarada a urxencia do procedemento de contratación, de conformidade co establecido no artigo 71 do Real decreto lexislativo 2/2000 e 322 da Lei 5/1997, do 22 de xullo, e con base no disposto no

artigo 122.2º do real decreto lexislativo citado, anúnciase simultaneamente cos pregos de cláusulas administrativas particulares a licitación da obra, a cal quedará aprazada se houbese reclamacións contra os pregos, ata a súa resolución.

1. Entidade adxudicataria: Concello de Riotorto.

2. Obxecto do contrato: acondicionamento e mellora do acceso da estrada Pastoriza-Cruz da Cancela ó barrio de Lamas-Vilaseca.

a) Descrición do obxecto:

b) Lugar de execución: Vilaseca.

c) Prazo de execución: 3 meses.

3. Tramitación, procedemento e forma de adxudicación.

a) Tramitación: urxente.

b) Procedemento: aberto.

c) Forma: concurso.

4. Orzamento base de licitación: 56.915,85 euros.

5. Garantía provisional: 2% do tipo de licitación.

6. Obtención de documentación e información.

a) Entidade: Concello de Riotorto.

b) Domicilio: praza das Rodrigas nº 1.

c) Localidade e código postal: Riotorto, 27744.

d) Teléfono: 982 34 62 22.

e) Telefax: 982 34 60 33.

f) Data límite de obtención de documentos e información: o último día hábil á presentación da documentación.

7. Requisitos específicos do contratista.

a) Clasificación: non se esixe.

b) Solvencia económica, financeira, técnica e profesional: acreditación de conformidade co punto 16 dos pregos.

8. Presentación das ofertas.

a) Data límite de presentación: 13 días naturais contados desde o seguinte ó da inserción do edicto no BOP e no DOG.

b) Documentación que hai que presentar: a sinalada no punto 16 dos pregos.

c) Lugar de presentación: Concello de Riotorto.

9. Apertura das ofertas: o seguinte día hábil a aquel no que termine o prazo de presentación das proposicións abrirase a documentación xeral. Se é sábado realizarase o primeiro día hábil seguinte.

A apertura das proposicións coas melloras e oferta económica realizarase no sexto día hábil contado desde o seguinte ó da apertura da documentación xeral. Se fose sábado realizarase o seguinte día hábil.

Ambos actos faranse no Concello de Riotorto.

10. Gastos de anuncios: serán por conta do adxudicatario.

Riotorto, 21 de maio de 2003.

José López Cabodevila

Alcalde