Transcorridos os prazos previstos na Resolución do 6 de maio de 2003 pola que se fixo pública a lista provisional de admitidos e excluídos ós procedementos selectivos de ingreso e acceso ó corpo de profesores de ensino secundario, profesores de escolas oficiais de idiomas, profesores de música e artes escénicas e profesores técnicos de formación profesional e procedemento de adquisición de novas especialidades, convocados por Orde do 28 de febreiro de 2003 (DOG do 14 de marzo).

Esta direccion xeral

DISPÓN:

Primeiro.-Facer pública a lista definitiva de admitidos ós procedementos selectivos de ingreso e acce

so ó corpo de profesores de ensino secundario, profesores de escolas oficiais de idiomas, profesores de música e artes escénicas e de profesores técnicos de formación profesional coa indicación da modalidade de acceso pola que concorre cada aspirante e se están exentos da proba de coñecementos de lingua galega e lingua castelá nos anexos I, II, III e IV desta resolución respectivamente.

Segundo.-Declarar excluídos definitivamente ós aspirantes que figuran no anexo V desta resolución, polas causas que se indican.

Terceiro.-Os interesados poderán interpoñer recurso de alzada no prazo dun mes, contado a partir do día seguinte ó da súa publicación no Diario Oficial de Galicia, perante o conselleiro de Educación e Ordenación Universitaria, conforme o establecido nos artigos 114 e 115 da Lei 30/1992, do 26 de novembro, modificada pola Lei 4/1999, do 13 de xaneiro.

Santiago de Compostela, 6 de xuño de 2003.

Severino Somoza Gómez

Director xeral de Persoal

ANEXO V

CONSELLERÍA DE CULTURA, COMUNICACIÓN SOCIAL

E TURISMO