Polo Pleno do Concello, en sesión ordinaria realizada o día 15 de maio de 2003, acordouse iniciar expediente de contratación da obra denominada reforma e ampliación do Pavillón Polideportivo Municipal, 1ª fase, de Mondoñedo, pola contía de 535.513,05 euros (IVE incluído).

Presentación de proposicións: Secretaría do Concello (praza do Concello nº 1) de 9.00 a 14.00 horas, durante o prazo de 26 días naturais contados desde a publicación do presente anuncio no BOP ou no DOG.

Clasificación do contratista: grupo C, subgrupos 2, 4, 6, categoría D.

Apertura de proposicións: na casa do concello ás 13.00 horas do quinto día hábil seguinte ó de remate

de presentación de proposicións. No caso de ser sábado realizarase o luns posterior.

Exposición do expediente: o prego de cláusulas administrativas e o resto da documentación do expediente poderase examinar na secretaría do concello en horas de oficina.

Mondoñedo, 19 de maio de 2003.

Luis Rego Valcarce

Alcalde