De acordo co disposto no artigo 4 da Lei 7/1988, do 12 de xullo (DOG do 26 de xullo), de creación do Consello Galego de Relacións Laborais, as organizacións sindicais e empresariais designarán os seus membros representativos, que serán nomeados polo conselleiro de Traballo e Benestar Social.
Facendo uso da posibilidade de substitución que recolle o artigo 5 da dita lei, a Confederación de Empresarios de Galicia acordou a substitución dun membro titular e un membro suplente da súa representación no consello.
A disposición adicional primeira do Decreto 212/2003, do 3 de abril (DOG do 11 de abril), polo que se establece a estructura orgánica da Consellería de Asuntos Sociais, Emprego e Relacións Laborais sinala que a Consellería de Asuntos Sociais, Emprego e Relacións Laborais exercerá as funcións asignadas á extinta Consellería de Traballo e Benestar Social pola Lei 7/1988, do 12 de xullo, de creación do Consello Galego de Relacións Laborais.
Por todo o exposto, ó abeiro do artigo 4 da referida Lei 7/1988, e en uso das atribucións que teño conferidas,
DISPOÑO:
Artigo 1º.-Nomear membro titular do Pleno do Consello Galego de Relacións Laborais en representación da Confederación de Empresarios de Galicia a Guadalupe Hervera Iglesias en substitución de Ovidio Pérez Reñones.
Artigo 2º.-Nomear membro suplente do Pleno do Consello Galego de Relacións Laborais en representación da Confederación de Empresarios de Galicia a Sonia Pardo Díaz en substitución de Guadalupe Hervera Iglesias.
Santiago de Compostela, 13 de maio de 2003.
Mª José Cimadevila Cea
Conselleira de Asuntos Sociais, Emprego
e Relacións Laborais