Faise público, nos termos e para os efectos dos artigos 48 da Lei 1/1997, do 24 de marzo, do solo de Galicia, e 8 da Lei 7/1995, do 29 de xuño, de delegación e distribución de competencias en materia de urbanismo, que o Plenario Municipal, en reunión ordinaria do 12 de maio de 2003, deliberou aprobar por unanimidade, estando presentes doce corporativos dos trece que o integran, e por tanto como quórum da maioría absoluta legal que determina o artigo 47.3º i) da Lei 7/1985, do 2 de abril, reguladora das bases do réxime local, dictame da Comisión Informativa de Obras, Urbanismo, Infraestructuras, Deportes, Comercio, Turismo, Relacións Cidadás e Medio Rural, do 8-5-2003, con parte dispositiva do seguinte teor literal:

«Aprobar definitivamente o Plan Xeral de Ordenación Urbana de Xinzo de Limia, e segui-los trámites que determina a normativa urbanística para a súa máis plena efectividade e entrada en vigor».

En contra desta deliberación cabe interpor recurso contencioso-administrativo perante o Tribunal Superior de Xustiza de Galicia, no prazo de dous meses, nos termos dos artigos 52.2º a) da Lei 7/1985, do 2 de abril, reguladora das bases do réxime local, e 46 da Lei 29/1998, do 13 de xullo, da xurisdición contencioso-administrativa.

Serve igualmente este anuncio, segundo o disposto no artigo 59.4º e 5º da Lei 30/1992, do 26 de novembro, de réxime xurídico das administracións públicas e do procedemento administrativo común, para notificar a cantos poidan resultar interesados no expediente.

Xinzo de Limia, 2 de xuño de 2003.

José Antonio Feijó Alonso

Presidente