Con data do 9 de abril de 2003, o delegado provincial da Consellería de Sanidade de Ourense dictou resolución do expediente sancionador 70/2002, incoado na Delegación Provincial da Consellería de Sanidade de Ourense a Antonio Carrajo Pérez.

Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula, e segundo o disposto no número 5 do referido artigo, notifícaselle a Antonio Carrajo Pérez o contido da referida resolución que figura como anexo, para que poida ter coñecemento dela.

Así mesmo, fáiselle sabe-lo dereito que o asiste para interpor recurso de alzada ante o conselleiro de Sanidade no prazo dun mes, contado desde o seguinte ó da publicación desta cédula, segundo establece o artigo 115 da Lei 30/1992, do 26 de novembro, e lémbraselle o seu dereito a consulta-lo expediente, depositado nas dependencias desta delegación sita na avda. de Zamora, nº 13, Ourense, e a obter, se é o caso, copia del, segundo o previsto na letra a) do artigo 35 da citada Lei 30/1992, do 26 de novembro.

En caso de conformidade con esta resolución, deberá facer efectiva a multa no prazo de 15 días hábiles, mediante ingreso que debe efectuar en calquera oficina de Caixa Galicia, conta contable 840, código 001, ou de Caixanova Recadación Xunta, modelo XTAX, e empregando os impresos normalizados que lle serán facilitados nas dependencias desta delegación provincial. O pagamento voluntario porá fin ó expediente. De non facelo así, procederase ó seu cobramento pola vía de constrinximento.

Esta cédula expídese para que conste e lle sirva de notificación ó interesado, en cumprimento do disposto no artigo 59.5º da Lei 39/1992, do 26 de novembro.

Ourense, 15 de maio de 2003.

José F. Troncoso Casares

Delegado provincial de Ourense

ANEXO

1. Expediente sancionador 70/2002.

Denunciado: Antonio Carrajo Pérez.

DNI: 34707552.

Último enderezo coñecido: estrada de Laza, nº 113, de Verín-Ourense.

Feito imputado: infracción en materia sanitaria.

Preceptos infrinxidos: artigo 1.1º d) do Decreto 157/1985, do 11 de xullo; artigo 4 en relación co 1 e 6.7º do Real decreto 219/1986, do 24 de xullo, que aproba o Regulamento de manipuladores de alimentos da Xunta de Galicia.

Tipificación: artigo 5 en relación co 3 e 4 do Decreto 157/1985, do 11 de xullo; artigo 36.1º a) da Lei 14/1986, do 25 de abril, xeral de sanidade.

Sanción imposta: 60 euros (sesenta euros).

CONSELLERÍA DE XUSTIZA, INTERIOR E ADMINISTRACIÓN

LOCAL