Perante este xurado provincial de montes veciñais en man común, tramítanse os expedientes de clasificación dos montes coas seguintes características:
-Expediente número: 5/2002.
Denominación: Santa Bárbara ou Da Vide.
Comunidade propietaria: veciños da parroquia da Vide.
Concello: Monforte de Lemos.
Superficie: 110,4 hectáreas.
Estremas:
Norte: estrada local de Monforte a Moreda, terreos expropiados para a construcción da nova estrada de Monforte a Chantada e predios particulares da parroquia da Vide. Leste: propiedades particulares, canal de regadío do val de Lemos e camiño. Sur: monte veciñal en man común dos veciños de Distriz e propiedades particulares. Oeste: propiedades particulares e concello de Pantón.
-Expediente número: 7/2002.
Denominación: Moncapelo.
Comunidade propietaria: veciños das parroquias de Argomoso, Lindín e Maior.
Concello: Mondoñedo.
Superficie: 269 hectáreas.
Estremas:
Norte: predios particulares do pobo de Curros. Leste: predios particulares nos vales do río Baos e río Seco. Sur: concello da Pastoriza. Oeste: montes da parroquia de Argomoso.
En virtude do acordado polo xurado na sesión que tivo lugar o día 12 de decembro de 2002 e, en cumprimento da orde do instructor, conforme o disposto na Lei de montes veciñais en man común do 10 de outubro de 1989 e demais disposicións de aplicación, por este edicto faise pública a iniciación para a posible clasificación dos expedientes indicados co obxecto de que, de acordo co previsto no artigo 23 do regulamento aprobado polo Decreto 260/1992, do 4 de setembro, para a execución da citada lei, cantas persoas, organismos e corporacións resulten interesadas, poidan comparecer e intervir nos expedientes inciados e formular perante o xurado, no prazo dun mes, contado a partir do día seguinte ó da publicación deste edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación cos montes, achegando, se é o caso, a documentación que consideren conveniente ó respecto.
Lugo, 23 de abril de 2003.
Luis González Vázquez
Presidente do Xurado Provincial de Clasificación de Montes Veciñais en Man Común de Lugo