Aprobado pola Comisión de Goberno deste concello o prego de condicións económico-administrativas, que rexerá o concurso por procedemento aberto

da obra denominada Pavimentación de vías públicas, exponse ó público polo prazo de oito días naturais seguintes ó da derradeira publicación deste anuncio no DOG e no BOP, para efectos de reclamacións. Simultaneamente anúnciase o concurso para a presentación de propostas, aprazándose a licitación no caso de que se formulen reclamacións contra o prego.

Obra: pavimentación de vías públicas. Lugar de execución: As Neves. Prazo máximo de execución: catro meses.

Tipo máximo de licitación: 157.904,78 euros, IVE incluído.

Forma de adxudicación: concurso por procedemento aberto.

Garantías: provisional: 2% do tipo de licitación. Definitiva: 4% do prezo de adxudicación.

Obtención da documentación e información: Casa do Concello das Neves.

Domicilio: praza da Cristiandade s/n 36440 As Neves (Pontevedra). Teléfono: 986 64 80 38. Fax: 986 64 80 52.

Data límite: ata o último día do prazo de presentación de ofertas.

Presentación de ofertas: durante vinteseis días naturais seguintes á publicación do derradeiro anuncio de licitación no BOP e no DOG.

Documentación: a esixida no prego de condicións.

Lugar de presentación: rexistro xeral do Concello das Neves, das 9 ás 13 horas de luns a sábados.

Apertura das ofertas: na Casa do Concello das Neves, ás 13.00 horas do día hábil seguinte ó día de remate do prazo para a presentación de ofertas (excepto sábados).

As Neves, 6 de maio de 2003.

Raúl Emilio Castro Rodríguez

Alcalde presidente