Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: L.M.T.S., C.T. Rúa do Areal.
Situación: Oleiros.
Descricións técnicas: liña eléctrica subterránea de media tensión a 15/20 kV, de 155 m de lonxitude, en conductor R.H.V. de 240 mm Al, que parte da L.M.T.S. entre o C.T. Rosalía de Castro e C.T. Telefónica pasando polo C.T. Rúa do Areal de manobra exterior de 400 kVA en urbanización Arealmar portal nº 6. Concello de Oleiros.
Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.
A Coruña, 16 de abril de 2003.
Jesús Espada Martínez
Delegado provincial da Coruña