Resolución do 11 de abril de 2003, do Concello de Sandías (Ourense), pola que se lle dá publicidade ó acordo do 11 de febreiro de 2003, da Dirección
Xeral de Calidade e Avaliación Ambiental, no que se formula a declaración de impacto ambiental do proxecto de explotación de cebadeiro de porcino, promovido por Hipólito Traveso Gómez e outros.
Visto o artigo 4.7º do Decreto 442/1990, do 13 de setembro (DOG nº 188, do 25 de setembro), de avaliación ambiental para Galicia, a alcaldesa do Concello de Sandiás
RESOLVE:
Darlle publicidade, mediante a presente publicación, ó acordo do 11 de febreiro de 2003, da Dirección Xeral de Calidade e Avaliación Ambiental, polo que se formula a declaración de impacto ambiental do proxecto de explotación de cebadeiro de porcino situado no concello de Sandiás (Ourense), promovido por Hipólito Traveso Gómez e outros.
A mencionada declaración refírese a unha explotación de cebadeiro de porcino, cunha capacidade de 3.000 animais. A superficie construída total será de 2.740 m. Proxéctase a construcción dunha nave de 182,15x15 metros. Os anexos serán unhas oficinas, aseos, fosas de cadáveres e fosa de xurros, e encóntranse á disposición de calquera interesado nas oficinas municipais do concello.
Sandías, 24 de abril de 2003.
Mª Concepción Méndez Gándara
Alcaldesa