Aprobado por decreto da alcaldía de data do 28 de abril de 2003, o prego de condicións económico-administrativas para a contratación por concurso da obra que a seguir se sinala, exponse ó público polo prazo de oito días contados a partir do seguinte ó da inserción deste anuncio no BOP, co obxecto de exame e reclamacións.
Así mesmo, anúnciase concurso público, se ben a licitación se aprazará no suposto de que se formulen reclamacións contra os pregos de condicións económico-administrativas.
1. Entidade adxudicataria.
Concello de Oia.
2. Obxecto do contrato.
a) Obra: camiño núcleos Lourezá-Burgueira-Pedornes.
b) Lugar de execución: Lourezá-Burgueira-Pedornes.
c) Prazo de execución: seis meses.
d) Orzamento base da licitación: 44.090,94 euros.
3. Tramitación, procedemento e forma de adxudicación.
a) Tramitación: urxente.
b) Procedemento: aberto.
c) Forma: concurso.
4. Garantías.
a) Provisional: 2% do orzamento base.
b) Definitiva: 4% do prezo de adxudicación.
5. Presentación das ofertas.
a) Data límite de presentación: décimo terceiro día seguinte ó da última publicación do presente anuncio no BOP ou no DOG.
b) Documentación que hai que presentar: a que figura no prego de condicións.
6. Apertura das proposicións.
Terá lugar na casa do concello ás 12 horas do segundo día seguinte hábil ó remate do prazo de presentación de proposicións, sempre que non coincida en sábado. En tal caso, serán abertas o día seguinte hábil.
7. Gastos de anuncios.
Serán por conta do adxudicatario.
Oia, 29 de abril de 2003.
O alcalde
Rubricado