Perante este xurado provincial de montes veciñais en man común, tramítase o expediente de clasificación dun monte coas seguintes características:

-Expediente número: 6/2002.

Denominación: monte Pé da Veiga e Chao de Arriba.

Comunidade propietaria: veciños do lugar da Capariña.

Parroquia: Cabanas.

Concello: O Vicedo.

Superficie: 1,85 hectáreas.

Estremas:

As de Pé da Veiga.

Norte: predios particulares pechados con muro.

Leste: predios particulares repoboados con eucaliptos.

Sur: pasteiros particulares pechados con arame.

Oeste: predios particulares.

As de Chao de Arriba.

Norte: predios particulares pechados con arame.

Leste: predios particulares pechados sobre si.

Sur: propiedades particulares e camiño.

Oeste: propiedades particulares.

En virtude do acordado polo xurado na sesión que tivo lugar o día 12 de decembro de 2002 e, en cumprimento da orde do instructor, conforme o disposto na Lei de montes veciñais en man común do 10 de outubro de 1989, e demais disposicións de aplicación, mediante este edicto faise pública a iniciación para a posible clasificación do expediente indicado co obxecto de que, de acordo co previsto no artigo 23 do regulamento aprobado polo Decreto 260/1992, do 4 de setembro, para a execución da citada lei, cantas persoas, organismos e corporacións resulten interesados, poidan comparecer e intervir no expediente iniciado e formular perante

o xurado, no prazo dun mes contado a partir do día seguinte ó da publicación deste edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación cos montes, achegando, se é o caso, a documentación que consideren conveniente ó respecto.

Lugo, 15 de abril de 2003.

Luis González Vázquez

Presidente do Xurado Provincial de Clasificación

de Montes Veciñais en Man Común de Lugo