Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: L.M.T.S., C.T. urbanización Mesoiro.
Situación: A Coruña.
Descricións técnicas: liña eléctrica subterránea de media tensión a 15/20 kV, de 1.915 m de lonxitude en conductor R.H.V. 240 Al, que parte da L.M.T.S. Pocomaco-Eirís entre os CC.TT. de Salgado e Mesoiro 30, e final no C.T. Mesoiro nº 11, pasando polo centro de distribución e C.T. nº 8.
Centros de transformación compactos con envolvente de formigón de 630 kVA c/u no C.T. nº 8 e 11 da urbanización Mesoiro e C.D. con tres celas de liña. Concello da Coruña.
Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VII, capítulo II, do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.
As instalacións executaranse nun prazo non superior a seis meses, contados a partir da data desta resolución.
Contra a presente resolución poderase interpoñer recurso de alzada ante o conselleiro de Innovación, Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.
A Coruña, 14 de abril de 2003.
Jesús Espada Martínez
Delegado provincial da Coruña