No BOP da Coruña nº 54 do 7 de marzo de 2003 (correción de erros BOP nº 64, do 19 de marzo) publícanse as bases xenéricas e específicas das probas selectivas para cubrir en propiedade as prazas vacantes no cadro de persoal funcionario correspondentes á oferta pública de emprego de 2002, que teñen as características que se indican de seguido:
Clasificación: escala de Administración especial, subescala servicios especiais. Clase: policía local. Categoría: garda. Número de vacantes: 1. Denominación/sistema de selección: garda da policía local. Oposición libre.
Clasificación: escala de Administración xeral, subescala administrativo, clase administrativo. Número de vacantes: 1. Denominación/sistema de selección: administrativo/concurso promoción interna.
O prazo de presentación de instancias é de vinte días naturais contados a partir do día seguinte ó da inserción do presente anuncio no BOE.
Os sucesivos anuncios referentes a esta convocatoria publicaranse no taboleiro de edictos deste concello e no BOP, se é o caso.
A Pobra do Caramiñal, 19 de marzo de 2003.
Isaac Maceiras Rivas
Alcalde-presidente