De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona a proposta de resolución dictada pola instructora no expediente que, por infracción á Lei 1/1993, do 13 de abril, de protección de animais domésticos e salvaxes en catividade, se está a tramitar nesta delegación.
Para os efectos previstos no artigo 19 do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, o denunciado disporá dun prazo de quince días hábiles, contados a partir do seguinte ó da publicación desta notificación, poderá examina-lo expediente, no Servicio de Medio Ambiente Natural, sito na rúa Benito Corbal, nº 47-5ª planta, e presenta-las alegacións que considere convenientes.
Pontevedra, 7 de marzo de 2003.
José Antonio López Rodríguez
Delegado provincial de Pontevedra
ANEXO
Expediente: PO-AD-2002/11.
Denunciado: João Pedreira Afonso; r/ Quinta da Raposeira, nº 4930 de Lusa-Valença do Miño (Portugal).
DNI: 3481962.
Feitos denunciados: que sobre as 14 horas do día 18 de abril de 2002 se observou cómo do vehículo con matrícula portuguesa 08-73-MS (marca Hiundai, modelo Lantra, de cor azul mariña) descendía o seu conductor e botaba á vía pública, nas inmediacións da rúa Sombra Boa de Tui, un can para despois arrinca-lo automóbil e darse á fuga quedando o animal abandonado, con risco de provocar un accidente de tráfico ou encontrarse dentro da calzada de circulación rodada.
Feitas as oportunas pescudas, comprobouse que a descrición física do autor dos feitos coincidía coa do propietario do vehículo, o cidadán portugués João Pedreira Afonso, con DNI 3481962.
Data do acordo da incoación: 21-8-2002.
Precepto infrinxido: artigo 21 c) da Lei 1/1993, do 13 de abril, de protección de animais domésticos e salvaxes en catividade.
Precepto sancionador: artigo 21 da Lei 1/1993, do 13 de abril, de protección de animais domésticos e salvaxes en catividade.
Sanción: 300,51 euros.