Examinado o escrito presentado por Juan María Pérez Argibay, en representación de Asitecno, S.G.C., con CIF F-15864408 e domicilio na rúa do Tambre, nº 33-baixo, Meixonfrío, Santiago de Compostela (A Coruña), no que se solicita a concesión da cualificación de entidade recoñecida para impartir cursos teórico-prácticos para a obtención de carnés profesionais de instalador de gas para as categorías IG-I a IG-IV.
Feitos.
Primeiro.-Con data do 21 de xaneiro de 2003, Juan María Pérez Argibay en representación de Asitecno, S.G.C., presentou un escrito solicitando, ó abeiro da Orde do 27 de decembro de 2000, pola que se establece o procedemento unificado para a obtención de carnés profesionais e esixencias a empresas autorizadas para instalación, mantemento e outras actividades en materia de seguridade industrial, que lle fose concedida a cualificación de entidade recoñecida para impartir cursos teórico-prácticos nos ámbitos solicitados. Para tal efecto, achegaba a documentación esixida no artigo 13 da citada orde.
Fundamentos de dereito.
Primeiro.-Esta dirección xeral é competente para resolver este expediente con base no Estatuto de autonomía de Galicia, aprobado pola Lei orgánica 1/1981, do 6 de abril, nos reais decretos 1634/1980, do 31 de xullo e 2563/1982, do 24 de xullo, nos Decretos 6/1982, do 29 de xaneiro, e 132/1982, do 4 de novembro, e no Decreto 15/2002, do 24 de xaneiro, polo que se establece a estructura orgánica da Consellería de Industria e Comercio, en relación coa Orde do 27 de decembro de 2000, pola que se establece o procedemento unificado para a obtención de carnés profesionais e esixencias a empresas autorizadas para instalación, mantemento e outras actividades en materia de seguridade industrial, e demais lexislación concordante.
Segundo.-A documentación presentada por Juan María Pérez Argibay acredita que Asitecno, S.G.C. cumpre coas esixencias establecidas no artigo 13 da Orde do 27 de decembro de 2000 para a súa actuación nos ámbitos e categorías solicitadas.
Terceiro.- Na tramitación deste expediente cumpríronse tódolos requisitos regulamentariamente establecidos.
A dirección xeral, de acordo con todo o que antecede e no exercicio das competencias que ten atribuídas,
RESOLVE:
Primeiro.-Outorgarlle a Asitecno, S.G.C. a concesión da cualificación de entidade recoñecida para
impartir cursos teórico-prácticos para a obtención de carnés profesionais de instalador de gas para as categorías IG-I a IG-IV, no ámbito da Comunidade Autónoma de Galicia, de conformidade co establecido no capítulo quinto da Orde do 27 de decembro de 2000.
Segundo.-Para imparti-los cursos deberáselles comunicar ás delegacións provinciais, antes do seu inicio, o programa, profesorado, listaxes de alumnos e lugar, horario e data dos exames, co fin de realiza-lo control correspondente.
Terceiro.-Esta autorización deberá ser renovada ós dous anos, para o que se deberá acreditar ante a dirección xeral competente en materia de industria o cumprimento dos requisitos esixidos na autorización inicial.
Cuarto.-As entidades recoñecidas quedan obrigadas a comunica-los cambios que se poidan producir na súa estructura de persoal durante o período de validez da autorización, así como a presentar anualmente unha memoria na que se detallen as actividades desenvolvidas.
Quinto.-Esta autorización poderá ser revogada, mediante resolución motivada polo director xeral competente en materia de industria, no caso de que se incumpran as obrigas e compromisos que resultan do disposto na Orde do 27 de decembro de 2000.
Notifíqueselle esta resolución ó interesado facendo constar que poderá interpor recurso de alzada no prazo dun mes, contado a partir do día seguinte ó de notificación, ante o conselleiro de Innovación, Industria e Comercio, de acordo co disposto nos artigos 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Santiago de Compostela, 10 de marzo de 2003.
Ramón Ordás Badía
Director xeral de Industria, Enerxía e Minas
