De conformidade coa proposta elevada pola comisión constituída para xulga-lo concurso convocado por resolución desta universidade do 8 de outubro de 2001 (BOE do 6 de novembro) para a provisión dunha praza de catedrático de universidade da área de coñecemento de medicina e cirurxía animal (praza vinculada á área médica do Hospital Clínico Veterinario Rof Codina, Lugo), do departamento de Patoloxía Animal, a José María Nieto Martínez, tendo en conta que o interesado cumpre os requisitos a que alude o punto 2º do artigo 5 do Real decreto 1888/1984, do 26 de setembro.
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a José María Nieto Martínez, catedrático de universidade da área de coñecemento de medicina e cirurxía animal (praza vinculada á área médica do Hospital Clínico Veterinario Rof Codina, Lugo), do departamento de Patoloxía Animal da Universidade de Santiago de Compostela.
Santiago de Compostela, 14 de marzo de 2003.
Senén Barro Ameneiro
Rector da Universidade de Santiago de Compostela