DOG 68 do 07/04/2003 - ORDE do 31 de marzo de 2003 pola que se regula a oferta de prazas xuvenís dentro do programa Campaña Verán-2003 e se procede á súa convocatoria.

Comunidade autónoma

Instalación xuvenil

Modalidade

III. OUTRAS DISPOSICIÓNS

CONSELLERÍA DE FAMILIA, XUVENTUDE E VOLUNTARIADO

ORDE do 31 de marzo de 2003 pola que se regula a oferta de prazas xuvenís dentro do programa Campaña Verán-2003 e se procede á súa convocatoria.

A Consellería de Familia, Xuventude e Voluntariado, a través da Dirección Xeral de Xuventude, leva a cabo a promoción e organización de actividades de animación sociocultural destinadas á xuventude no ámbito do ocio e o tempo libre.

Asumidas as competencias neste eido polo Decreto 146/1982, do 1 de decembro, e consciente esta consellería da importancia que ten facilitar canles polas que a xuventude poida participar neste tipo de actividades, é polo que este ano, do mesmo xeito que en anos anteriores, se convoca a Campaña Verán-2003.

A oferta da Campaña Verán-2003 comprende, ademais daquelas que se desenvolven na comunidade autónoma galega, actividades de ámbito nacional, tendo lugar a súa celebración noutras comunidades autónomas de España.

A Consellería de Familia, Xuventude e Voluntariado, a través da Dirección Xeral de Xuventude pretende desta forma atende-la demanda individual, cada día máis crecente, de mozos e mozas no eido do ocio e o tempo libre.

Por todo isto,

DISPOÑO:

Artigo 1º

Co obxectivo de facilitarlle á xuventude a participación en actividades de tempo libre, a Consellería de Familia, Xuventude e Voluntariado, a través da Dirección Xeral de Xuventude, oferta un plan xeral de actividades que se detalla no anexo I desta orde.

As diferentes actividades que integran esta oferta xeral desenvolveranse tanto en Galicia como nas comunidades autónomas de España, en diferentes quendas de entre unha semana e quince días de duración durante os meses de xullo e agosto.

Nos servicios e oficinas locais de xuventude das delegacións provinciais da Consellería de Familia, Xuventude e Voluntariado, nas oficinas e puntos de información xuvenil da Rede Galega de Información e Documentación Xuvenil, no Centro Coordinador de Información e Documentación Xuvenil e nas oficinas de información administrativa e atención ó cidadán, os interesados poden solicitar folletos informativos da convocatoria desta campaña, onde se detalla unha información ampla sobre cada actividade e da instalación xuvenil onde se vai levar a cabo.

Artigo 2º.-Servicios ofertados.

A oferta da Campaña Verán-2003 supón a inscrición individual, permitíndolles ós participantes dispoñer dos seguintes servicios:

1. Un programa de actividades de carácter socio-cultural, recreativo, formativo e convivencial, que posibilite a participación do mozo ou moza.

2. Aloxamento en albergue xuvenil, residencia xuvenil ou campamento xuvenil.

3. Manutención en réxime de pensión completa.

4. O material necesario para a actividade.

5. Un equipo técnico de personal especializado en animación sociocultural e actividades de tempo libre.

6. Atención sanitaria de primeiros auxilios e seguro de accidentes.

7. Nas actividades desenvolvidas noutras comunidades autónomas inclúese o transporte desde Santiago de Compostela ata o lugar de destino.

Artigo 3º.-Participantes.

Poden solicita-la súa participación nas actividades ofertadas nesta convocatoria os mozos con idades comprendidas dentro dos tramos de idades que se especifican para cada actividade no anexo I.

En canto á marxe de idade mínima e máxima que se especifica para cada actividade, deberase ter en conta:

1. A idade mínima que se especifica para cada actividade deberá cumprirse durante o ano 2003, agás nos casos en que a idade mínima sexa os 18 anos, nese caso deberanse ter cumpridos antes do comezo da actividade.

2. A idade máxima que se especifica para cada actividade deberá terse o 31-7-2003, para aquelas que se desenvolvan en xullo e o 31-8-2003 para as que se desenvolvan en agosto.

Non se admitirán aquelas solicitudes nas que o solicitante non cumpra os ditos requisitos de idade para a actividade solicitada.

Artigo 4º.-Solicitude.

1. As solicitudes deberán formularse no impreso que se indica no anexo II desta orde. Cada mozo ou moza unicamente poderá cubrir unha solicitude e un máximo de cinco quendas ou actividades por solicitude (cada quenda ou actividade vai identificado cun código no anexo I desta orde).

2. As solicitudes dirixiranse á directora xeral de Xuventude e poderán presentarse no rexistro xeral da Consellería de Familia, Xuventude e Voluntariado, nos rexistros das súas delegacións provinciais ou por calquera dos medios establecidos no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.

O interesado poderá comproba-la recepción da súa solicitude a partir do 30 de abril no teléfono xove 902 15 25 35.

Artigo 5º.-Prazo.

O prazo de solicitude iniciarase o día seguinte ó da publicación desta orde no Diario Oficial de Galicia e rematará o día 23 de abril de 2003.

Artigo 6º.-Adxudicación de prazas.

A adxudicación realizarase da seguinte forma:

1. Por adxudicación directa, no caso de que a demanda non supere o número de prazas dispoñibles.

2. Por sorteo, por medios informáticos, no suposto de que o número de solicitudes supere o número de prazas dispoñibles.

O sorteo realizarase o día 8 de maio de 2003 nas dependencias da Secretaría Xeral da Consellería de Familia, Xuventude e Voluntariado en Santiago de Compostela.

A Dirección Xeral de Xuventude fará público o resultado do sorteo e confeccionará a correspondente lista de admitidos para cada quenda e actividade. As ditas listas serán expostas o día 9 de maio de 2003 na Dirección Xeral de Xuventude, no rexistro xeral da Consellería de Familia, Xuventude e Voluntariado, nos rexistros e servicios de Xuventude das súas delegacións provinciais e no Centro de Información Administrativa e Atención ó Cidadán de Santiago de Compostela.

Artigo 7º.-Documentación.

Os participantes seleccionados deberán presentar na Delegación Provincial da Consellería de Familia, Xuventude e Voluntariado da provincia onde se vai a desenvolve-la actividade, ou na Dirección Xeral de Xuventude, no caso das actividades pluriprovinciais (que se desenvolven en dúas ou tres instalacións de diferentes provincias) ou actividades que se realicen fóra da Comunidade Autónoma de Galicia, no prazo de 15 días naturais contados desde o día seguinte ó da data de exposición das listas, a seguinte documentación:

-Xustificación de pagamento (impreso oficial).

-Fotocopia do DNI ou da folla correspondente do libro de familia.

-Fotocopia do documento de afiliación á Seguridade Social ou seguro médico.

-Cuestionario médico-sanitario (anexo III).

-Certificado médico de non padecer ningunha enfermidade e de ser apto para participar na actividade.

-Declaración responsable de que sabe nadar.

-Fotocopia compulsada do título de familia numerosa, de se-lo caso.

-Fotocopia compulsada do Carné Xove ou Carné Máis, de se-lo caso.

No caso de non presenta-la antedita documentación no prazo indicado a praza pasará a oferta pública, aplicándose o procedemento disposto no artigo 8º desta orde.

Artigo 8º.-Adxudicación das prazas de resultas.

1. As prazas que non se cubrisen polo procedemento de adxudicación establecido no artigo 6º, así como as vacantes que se produzan, xa sexa por renun

cia do interesado ou por non presenta-la documentación referida no artigo 7º desta orde en prazo, concederanse por adxudicación directa segundo se vaian solicitando.

Para estes efectos, durante os días 5 e 6 de xuño poderán solicita-las prazas vacantes todos aqueles solicitantes ós que non se lles adxudicou praza no sorteo ou renunciasen á praza.

Transcorrido o dito período, as prazas vacantes poderán ser solicitadas por calquera persoa interesada, sempre e cando cumpra as limitacións de idade ás que se fai mención no artigo 3º desta orde.

2. Para solicita-las prazas de resultas, o interesado poderá efectua-la oportuna reserva da praza, no caso de que existan vacantes, persoalmente ou por teléfono a través de calquera servicio de Xuventude das delegacións provinciais da Consellería de Familia, Xuventude e Voluntariado, ou da Dirección Xeral de Xuventude.

Cada persoa só poderá face-la reserva, como máximo, de catro prazas para catro participantes.

A reserva de prazas poderase efectuar en horario de 9 a 14 horas, en días laborables agás sábados.

3. Unha vez efectuada a reserva de praza, o interesado disporá dun prazo de 48 horas para presenta-lo impreso que se indica no anexo II desta orde debidamente cuberto e a documentación relacionada no artigo 7º. Os solicitantes ós que non se lles adxudicou praza no sorteo non terán que presenta-lo anexo II. Esta documentación poderá presentala en calquera das oficinas anteriormente relacionadas. En caso contrario, perderá o dereito á praza reservada.

4. No anexo IV indícanse os enderezos, os teléfonos das oficinas administrativas a través das que poderá efectuarse a oportuna reserva de praza, para os efectos do disposto neste artigo.

Artigo 9º.-Prezos.

1. Os prezos de aplicación para cada actividade e quenda aparecen detallados no anexo I desta orde, de acordo co sinalado na Orde do 3 de xaneiro de 2003 (DOG do 9 de xaneiro).

2. Os membros de familia que teñan o título de numerosa terán un desconto do 50% sobre os prezos que aparecen detallados no anexo I desta orde. Circunstancia que debe ser acreditada coa presentación dunha fotocopia compulsada do título de familia numerosa vixente.

3. Os usuarios do Carné Xove ou do Carné Máis gozarán dun desconto do 10% sobre os prezos que aparecen detallados no anexo I desta orde. Circunstancia que debe ser acreditada coa presentación dunha fotocopia compulsada do Carné Xove ou Máis, vixente.

4. Os descontos citados nos dous puntos anteriores en ningún caso serán acumulables.

Artigo 10º.-Devolucións de cotas.

1. Se unha vez obtida a praza e aboado o prezo correspondente o interesado non puidese asistir á

actividade, só terá dereito á devolución deste no caso de que comunique a renuncia á praza por escrito e solicite a devolución da cantidade aboada polo menos vinte días antes do inicio da actividade ou cando por causas non imputables ó interesado non se preste o servicio ou a Administración anule a actividade (Lei 13/1991, do 9 de decembro, de taxas, prezos e exaccións reguladoras da Comunidade Autónoma de Galicia e Decreto lexislativo 172/1992, do 26 de xuño, polo que se dictan normas para a xestión da liquidación e recadación das taxas e prezos públicos da Comunidade Autónoma de Galicia).

2. Para estes efectos haberá á disposición dos interesados un modelo normalizado de solicitude de devolución de cota de participación na Dirección Xeral de Xuventude e nos servicios de Xuventude das delegacións provinciais da Consellería de Familia, Xuventude e Voluntariado.

3. A solicitude deberá dirixirse ó delegado provincial da Consellería de Familia, Xuventude e Voluntariado da provincia onde se vai desenvolve-la actividade, ou á directora xeral de Xuventude no caso das actividades que se desenvolvan en máis dunha provincia ou fóra da Comunidade Autónoma de Galicia, que serán os órganos encargados de resolver en cada caso.

Disposicións derradeiras

Primeira.-Facúltase a directora xeral de Xuventude para dictar, no ámbito das súas competencias, as resolucións precisas para o desenvolvemento desta orde.

Segunda.-Esta orde entrará en vigor o día seguinte ó da súa publicación no Diario Oficial de Galicia.

Santiago de Compostela, 31 de marzo de 2003.

Pilar Rojo Noguera

Conselleira de Familia, Xuventude e Voluntariado

ANEXO I

Campamentos de verán 2003



Instalación xuvenil	Actividade	Data	Idade	Importe praza	Nº código

Alb. Xuv. Eijo Garay Res. Xuv. Altamar Alb. Xuv. Gandarío	Rota Coñece Galicia	17-31/7/2003	15-17	169 A	150001

Alb. Xuv. Gandarío Camp. Xuv. Os Chacotes	Mar e natureza	1-15/7/2003	15-17	127 A	150003

Camp. Xuv. A Devesa Camp. Xuv. Os Chacotes	Mar e natureza	17-31/7/2003	15-17	127 A	150004

Camp. Xuv. Virxe Loreto Camp. Xuv. Pontemaril	Mar e natureza	16-30/7/2003	13-15	127 A	150005

Alb. Xuv. Marina Española *	A miña primeira aventura	21-28/6/2003	9-10	79 A	150101

		28/6-5/7/2003	9-10	79 A	150102

		5-12/7/2003	9-10	79 A	150103

		12-19/7/2003	9-10	79 A	150104

		19-26/7/2003	9-10	79 A	150105

	Deporte e recreación	17-31/8/2003	11-12	154 A	150106

Alb. Xuv. Gandarío *	Actividades no mar	1-15/7/2003	13-14	169 A	150201

	Vela e táboa	1-15/7/2003	15-17	169 A	150202

	Actividades no mar	16-30/7/2003	12-14	169 A	150203

	Actividades no mar	1-15/8/2003	12-14	169 A	150204

	Vela e táboa	1-15/8/2003	15-17	169 A	150205

	Actividades no mar	17-31/8/2003	12-14	169 A	150206

	Vela e táboa	17-31/8/2003	15-17	169 A	150207

	En canoa pola ría de Ares e Betanzos	14-20/7/2003	15-17	79 A	150211

	En canoa pola ría de Ares e Betanzos	21-27/7/2003	15-17	79 A	150222

Camp. Xuv. Furelos	En bicicleta e cabalo pola natureza	1-15/7/2003	13-14	151 A	150301

		16-30/7/2003	15-17	151 A	150302

		1-15/8/2003	13-14	151 A	150303

Camp. Xuv. Virxe de Loreto	Natureza xunto ó mar	1-15/7/2003	13-15	127 A	150401

		1-15/8/2003	15-17	127 A	150402

Camp. Xuv. Espiñeira	Aventura ó aire libre	1-15/7/2003	11-12	127 A	150501

		16-30/7/2003	11-12	127 A	150502

Alb. Xuv. Area	Actividades no mar: vela e táboa, esquí acuático e aula natureza mariña	1-15/7/2003	15-17	200 A	270101

		17-31/7/2003	13-14	200 A	270102

		1-15/8/2003	15-17	200 A	270103

		17-31/8/2003	13-14	200 A	270104

Alb. Xuv. Benigno Quiroga *	A nosa aventura: iniciación ó deporte da vela e do piragüismo	29/6-5/7/2003	9-11	79 A	270201

		6-12/7/2003	9-11	79 A	270202

		13-19/7/2003	9-11	79 A	270203

		20-26/7/2003	9-11	79 A	270204

		27/7-2/8/2003	9-11	79 A	270205

		3-9/8/2003	9-11	79 A	270206

	Campamento de teatro	11-20/8/2003	15-17	102 A	270207



Instalación xuvenil	Actividade	Data	Idade	Importe praza	Nº código

Camp. Xuv. A Devesa	Multiaventura, ambiente e mar	1-15/7/2003	15-17	127 A	270301

	Mar e deporte Actividade complementaria: clases de mar	29/6-5-7/2003	10-12	64 A	270302

	Mar e deporte Actividade complementaria: clases de mar	6-12/7/2003	10-12	64 A	270303

Camp. Xuv. Os Chacotes	Deporte e natureza	1-15/8/2003	12-14	127 A	270501

Camp. Xuv. P. de Xacinto	Aventura e deporte	1-15/7/2003	9-11	127 A	320101

		16-30/7/2003	12-14	127 A	320102

		1-15/8/2003	13-15	127 A	320103

Res. Colexio Pablo VI	Piragüismo	1-15/7/2003	12-13	169 A	320201

		16-30/7/2003	14-15	169 A	320202

Alb. Escola Vilamarín *	Granxa agro-gandeira	1-15/7/2003	9-11	162 A	320301

		16-30/7/2003	11-13	162 A	320302

		1-15/8/2003	9-11	162 A	320303

Alb. Xuv. O Corgo	Piragüismo e remo	1-15/7/2003	14-15	169 A	320401

		16-30/7/2003	13-15	169 A	320402

		1-15/8/2003	14-15	169 A	320403

Alb. Xuv. Ordelles	Multiaventura	1-10/7/2003	11-15	169 A	321001

Alb. Xuv. Os Biocos de San	Aire libre. Ambiente	1-15/7/2003	11-13	162 A	320901

Xoán de Río *		16-30/7/2003	14-15	162 A	320902

		1-15/8/2003	13-15	162 A	320903

Alb. Xuv. As Sinas *	A miña primeira aventura	21-28/6/2003	9-10	79 A	360105

	Actividades no mar: vela, dorna, táboa, piragüismo, kaiak polo e aula natureza mariña	1-15/7/2003	12-14	169 A	360101

		16-30/7/2003	12-14	169 A	360102

		1-15/8/2003	13-15	169 A	360103

		17-31/8/2003	15-17	169 A	360104

Camp. Xuv. Pontemaril	Aventura na natureza	1-15/7/2003	10-12	127 A	360201

		16-30/7/2003	9-11	127 A	360202

		1-8/8/2003	9-11	64 A	360203

		9-16/8/2003	10-12	64 A	360204

		17-31/8/2003	13-15	127 A	360207

Camp. Xuv. A Golada	Aventura no mundo rural	1-15/7/2003	12-14	123 A	360401

		16-30/7/2003	11-13	123 A	360402

* Actividade complementaria: informática

Campamentos noutras comunidades autónomas. Ano 2003-Campaña Verán

Álava	Isla de Zuatza	Náutica	13-14	11-20/7/2003	195 A	501402

	Alb. Espejo	Tempo libre-inglés	14-16	16-29/7/2003	193 A	501403

Asturias	Alb. Liendebobya-Onix	Multiaventura	15-17	16-30/7/2003	195 A	500106

Aragón	Aula Natureza de Pineta	Campus montaña	14-17	17-31/7/2003	193 A	501301

	Alb. Xuv. Quinta Vista Alegre	Multiaventura-inglés	14-17	17-31/7/2003	195 A	501302

	Alb. Xuv. Ntra. Sra. Pilar-Villanua	Vacacións de cine	14-17	2-16/8/2003	195 A	501303

	Aula natureza de Pineta	Campus montaña	14-17	2-16/8/2003	193 A	501304

Canarias	Res. Xuv. San Antonio	Turístico-cultural	14-17	1-11/7/2003	325 A	500203

Cantabria	Camp. Loredo	Náutica	14-17	30/6-14/7/2003	214 A	500301

	Alb. Xuv. Loredo e Alb. Xuv. Braña Vieja	Praia-montaña	14-17	17-31/7/2003	193 A	500302

	Camp. Xuv. Picos de Europa	Rota de montaña	13-15	17-31/7/2003	193 A	500303

	Alb. Xuv. Solórzano	Iniciación inglés	13-15	16-30/7/2003	193 A	500306

Castela e León	Alb. Xuvenil Valdeavellano Tera-Soria	Multiaventura	15-17	11-20/7/2003	193 A	500410

	Alb. Xuvenil Navarredonda de Gredos	Multiaventura	14-17	1-15/7/2003	195 A	500401

	Alb. Xuvenil La Legoriza-Salamanca	Interautonómico	12-14	16-30/7/2003	214 A	500411

	Alb. Xuv. Puente Viejo-Boñar-León	Náutica	15-17	1-15/7/2003	214 A	500412

	Camp. Xuv. Espinosa de los Monteros	Multiaventura	15-17	1-15/7/2003	195 A	500406

	Alb. Xuv. Martín Castañeda-Sanabria	Multiaventura	14-17	16-30/7/2003	195 A	500409

Castela-A Mancha	Alb. Xuvenil Entrepeñas	Náutica e aire libre	15-17	17-31/7/2003	214 A	500506

Estremadura	Campamento Emperador Carlos V	Sendismo	15-17	2-16/8/2003	193 A	500603

Murcia	Alb. Xuvenil Calarreona	Mar e natureza	14-17	17-31/7/2003	195 A	500701

	Águilas	Náutica	14-17	17-31/7/2003	214 A	500704

Navarra	Murillo del Gállego/Roncesvalles	Travesías-rafting	15-17	17-31/7/2003	195 A	500810

	Roncesvalles/Murillo del Gállego	Travesías-rafting	15-17	17-31/7/2003	195 A	500812

	Zudaire-Estella	Ambiente/itinerante	15-17	2-16/8/2003	193 A	500811

	Estella-Zudaire	Ambiente/itinerante	15-17	2-16/8/2003	193 A	500813

A Rioxa	Camp. Xuvenil Molino Viejo	Aula de natureza	13-14	2-16/7/2003	193 A	500901

	Alb. Xuvenil Hospital San José	Iniciación á montaña	15-17	2-16/7/2003	193 A	500902