Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Electra Alto Miño, S.A.

Domicilio social: Marqués de Valladares, 23-2º, 36201 Vigo.

Denominación: reforma L.M.T. xral. Budiño-Salceda, tramo Budiño-As Gándaras.

Situación: concellos de Salceda de Caselas e O Porriño.

Descricións técnicas: L.M.T. aérea, a 15/20 kV, de 1.694 m de lonxitude, con conductor LA-180, sobre apoios metálicos, desde a torre C-9000/22 intercalado na actual L.M.T. Budiño-Salceda ata o apoio C-3000/22 (nº 16 do proxecto). A instalación está situada en Budiño e Parderrubias, nos concellos de Salceda de Caselas e O Porriño.

Cumpridos os trámites ordenados na Lei 54/1997, do 27 de novembro, e no capítulo II do Real decreto 1955/2000, do 1 de decembro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organis

mos ou corporacións que constan no expediente.

O prazo de posta en marcha da instalación, de acordo co artigo 132 do Real decreto 1955/2000, será de doce meses, a partir da recepción desta resolución. Para efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.

Contra esta resolución pódese interpor recurso de alzada ante o conselleiro de Innovación, Industria e Comercio no prazo dun mes, contado a partir do día seguinte ó da súa notificación. Tamén se pode interpor calquera outro recurso que se considere pertinente.

Pontevedra, 30 de xaneiro de 2003.

P.A.

Mª del Carmen Girón Daviña

Secretaria provincial de Pontevedra