DOG 60 do 26/03/2003 - RESOLUCIÓN do 27 de febreiro de 2003 pola que se nomea profesor titular de universidade da área de coñecemento de historia contemporánea, do departamento de Historia Contemporánea e de América, a Emilio Francisco Grandío Seoane (praza 1900/2001).

IV. OPOSICIÓNS E CONCURSOS

UNIVERSIDADE DE SANTIAGO DE COMPOSTELA

RESOLUCIÓN do 27 de febreiro de 2003 pola que se nomea profesor titular de universidade da área de coñecemento de historia contemporánea, do departamento de Historia Contemporánea e de América, a Emilio Francisco Grandío Seoane (praza 1900/2001).

De conformidade coa proposta elevada pola comisión constituída para xulga-lo concurso convocado por resolución desta universidade do 30 de outubro de 2001 (BOE do 22 de novembro), para a provisión dunha praza de profesor titular de universidade da área de coñecemento de historia contemporánea, do departamento de Historia Contemporánea e de América da Universidade de Santiago de Compostela,

a favor de Emilio Francisco Grandío Seoane e, tendo en conta que o interesado cumpre os requisitos ós que alude o punto 2º do artigo 5 do Real decreto 1888/1984, do 26 de setembro.

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Emilio Francisco Grandío Seoane profesor titular de universidade da área de coñecemento de historia contemporánea, do departamento de Historia Contemporánea e de América da Universidade de Santiago de Compostela.

Santiago de Compostela, 27 de febreiro de 2003.

Senén Barro Ameneiro

Rector da Universidade de Santiago de Compostela