En sesión que tivo lugar o día 10 de marzo de 2003, o tribunal designado pola Orde do 25 de abril de 2002, da Consellería da Presidencia, Relacións

Institucionais e Administración Pública, para xulga-lo proceso selectivo para o acceso ó corpo facultativo de grao medio da Xunta de Galicia (grupo B), escala de enxeñeiros técnicos industriais, convocado pola Orde do 8 de outubro de 2001, acordou, de conformidade co disposto na base II.1.4. da convocatoria, á vista de que non se formularon alegacións á baremación provisional da fase de concurso, aprobada por resolución do tribunal do 11 de febreiro de 2003, e publicada no DOG nº 36, do 20 de febreiro, publica-la puntuación definitiva obtida na fase de concurso polos aspirantes que superaron a fase de oposición, que figura como anexo a esta resolución.

Contra esta resolución, que non pon fin á vía administrativa, os aspirantes que o consideren oportuno poderán formular recurso de alzada ante o conselleiro da Presidencia, Relacións Institucionais e Administración Pública, no prazo dun mes contado a partir do día seguinte ó da publicación desta resolución no Diario Oficial de Galicia.

Santiago de Compostela, 11 de marzo de 2003.

Ramón Ordás Badía

Presidente do tribunal

ANEXO

Escala de enxeñeiros técnicos industriais

Acceso libre